我同女友早幾日一個月紀念
話說當時我地係whatsapp 講既時候，咁岩横誇左12 月1 號同2 號
為左易記，我就決定定係1 號
冇特別做d 咩，女友又冇介意
因為12 月31 日果晚，去左女rm 屋企玩，當日女友有野做，要好夜先黎join
果晚倒數完玩到兩點幾，我決定做一個創舉，由女rm 果度送女友返屋企，再返自己屋企
結果朝早六點先返到屋企。 係超級眼瞓，但值得既，亦開心既，可以見多女友一陣，又係一個難忘既經歷
一個月好似好短，我地亦唔係成日見，但同女友好似經歷左唔少野
至少我已經送過女友返去幾次(唔記得幾次了), 有兩次夜左要搭巴士
今次拍拖好特別，因為我同女友之前根本唔熟，之前亦出過一次街就一齊
但因為我實左太鐘意佢，三年前第一次見已經對呢個女仔有好感，所以決定唔諗咁多
唔諗咁多，係我係呢段感情學到既野。 如果下下要了解完晒先一齊，我諗當初未必一齊到
我亦都冇諗我之前一直諗既野。 我鐘意佢。佢鐘意我，簡簡單單戀愛就好啦
黎緊我知問題會陸續出黎，我地可能會鬧交
但只要我緊守所學既野，多d 諗對方，亦讓佢明白我諗咩。 最緊要要尊重佢係一個人，一個我愛既人，而唔係我既扯線公仔
從對上一段感情到呢段感情，足足有三年。 如果佢就係我要等三年既女友，完全係值得既。
我終於明白，等待都係一個學習。 感謝天主既恩寵！
Comments
Post a Comment