2,3月時,照舊一年一度既AO/EO面試活動,坦白講已經起碼第三次見呢兩份工(多到我到唔肯定係第3定第4次)
記得今年考JRE既時候同自己講,玩埋今年,如果今年都唔得既以後就算,唔好再考,一來好攰,二來衰過咁多次,好灰心
2月既時候見AO先,其實今年算係咁多次裡面叫做有D準備,畢竟上年死得太慘,英文嚴重退步,未到一半已經比人踢出黎,今年比自己既目標係至少比上年好
今年好彩,2月時比大老細捉左去馬拉開會,多年冇講英文既我突然有左機會練返
而且見既時候條題目唔算太深,三個考官比上年nice一百倍,表現比上年好,雖然都係入唔到第二圈,但至少對得住自己
記得以往多數都係見EO先見AO,今年咁岩調轉,經我咁多年既經歷,見先果個係唔抵,因為多數因為太耐冇見工而表現未如理想,見後既就因而有個機會train up 返
到見EO時,其實都真係完全冇抱任何希望,因為我太清楚佢點見,亦諗唔明究竟佢想你答咩
臨考前終於google 下d 人對於EO interview既分享,大家都不約而同講情境題係最難但亦係最致命既一環,不過就算知都冇用,因為基本上冇得prep
今年去見,見頭圍,8點8要上到去,等左差不多9個字,入到房,三個人都好nice,我諗係有史以黎最nice,我亦都有信心左,答問題無論中英文都好順,而且佢D問題我諗我比佢仲要熟識
今次見完,自己都確實幾滿意,可能真係做左4年野,個人終於都叫成熟左
結果,放完復活節長假後,收到EO 既Vetting form,估唔到真係收到。問個做公務員既同學,佢話都好大機會,網上既人亦都係咁講
收到既時候,當然係開心,因為今次真係好接近,咁多年,終於有機會pay off
但同時,亦都有D嘆息,因為表示我要離開呢間公司,一個咁開心既地方,同事咁好既地方
我明白,人係要長大,不能成世處於溫室
政府工人工比我而家高,每年亦會升pt,前景算係比較明朗
錢當然係我考慮既一個大部份,因為而家要自己比晒學費,2-3月時,又去旅行,女友又生日,又要交學費,真係乾到冇朋友,咁多年黎,第一次試過自己咁冇錢,卡數要去到最尾先敢交
但同時,我亦有好多考慮。第一,自己今年年尾就27歲,係咁仲可以咁樣做落去,拎住個咁低既人工?
第二,由未畢業到而家,我都係係呢一行,試過去見其他行,人地一睇我就知我唔岩,我亦都知自己唔岩做商業社會既野,所以,呢一次係難得可以轉去其他行業既機會,難道我30歲時,先學人轉行?我真係希望自己能夠經歷多D野
第三,始終自己返學拍拖,真係冇乜時間,仲要掛住出Trip,真係好攰好攰。而家有時會有D pop up trip,自己掌握唔到時間,我到而家都仲好唔習慣. 而且我知道真係要作出取捨。
最後,有位前同事同我提過,呢度做既野,質素好低,如果長期留係度,你就會變成one of them,呢句野警醒左我。而且,無可避免我對呢度好多處事方式同policy都好無奈,但我完全沒有憎恨過呢度。
Anyway,好開心既係大老細希望留我。但我自己都諗得好清楚,不能永遠靠屋企,父母老左好多,我亦希望多D時間陪佢地,我之前已經離開屋企4年,呢兩年亦成日出差,好希望可以同佢地去下旅行。
不過最後,所以野都未confirm,一日未有offer,一日都要低調,希望vetting 順利,等待既時間其實好磨人
記得今年考JRE既時候同自己講,玩埋今年,如果今年都唔得既以後就算,唔好再考,一來好攰,二來衰過咁多次,好灰心
2月既時候見AO先,其實今年算係咁多次裡面叫做有D準備,畢竟上年死得太慘,英文嚴重退步,未到一半已經比人踢出黎,今年比自己既目標係至少比上年好
今年好彩,2月時比大老細捉左去馬拉開會,多年冇講英文既我突然有左機會練返
而且見既時候條題目唔算太深,三個考官比上年nice一百倍,表現比上年好,雖然都係入唔到第二圈,但至少對得住自己
記得以往多數都係見EO先見AO,今年咁岩調轉,經我咁多年既經歷,見先果個係唔抵,因為多數因為太耐冇見工而表現未如理想,見後既就因而有個機會train up 返
到見EO時,其實都真係完全冇抱任何希望,因為我太清楚佢點見,亦諗唔明究竟佢想你答咩
臨考前終於google 下d 人對於EO interview既分享,大家都不約而同講情境題係最難但亦係最致命既一環,不過就算知都冇用,因為基本上冇得prep
今年去見,見頭圍,8點8要上到去,等左差不多9個字,入到房,三個人都好nice,我諗係有史以黎最nice,我亦都有信心左,答問題無論中英文都好順,而且佢D問題我諗我比佢仲要熟識
今次見完,自己都確實幾滿意,可能真係做左4年野,個人終於都叫成熟左
結果,放完復活節長假後,收到EO 既Vetting form,估唔到真係收到。問個做公務員既同學,佢話都好大機會,網上既人亦都係咁講
收到既時候,當然係開心,因為今次真係好接近,咁多年,終於有機會pay off
但同時,亦都有D嘆息,因為表示我要離開呢間公司,一個咁開心既地方,同事咁好既地方
我明白,人係要長大,不能成世處於溫室
政府工人工比我而家高,每年亦會升pt,前景算係比較明朗
錢當然係我考慮既一個大部份,因為而家要自己比晒學費,2-3月時,又去旅行,女友又生日,又要交學費,真係乾到冇朋友,咁多年黎,第一次試過自己咁冇錢,卡數要去到最尾先敢交
但同時,我亦有好多考慮。第一,自己今年年尾就27歲,係咁仲可以咁樣做落去,拎住個咁低既人工?
第二,由未畢業到而家,我都係係呢一行,試過去見其他行,人地一睇我就知我唔岩,我亦都知自己唔岩做商業社會既野,所以,呢一次係難得可以轉去其他行業既機會,難道我30歲時,先學人轉行?我真係希望自己能夠經歷多D野
第三,始終自己返學拍拖,真係冇乜時間,仲要掛住出Trip,真係好攰好攰。而家有時會有D pop up trip,自己掌握唔到時間,我到而家都仲好唔習慣. 而且我知道真係要作出取捨。
最後,有位前同事同我提過,呢度做既野,質素好低,如果長期留係度,你就會變成one of them,呢句野警醒左我。而且,無可避免我對呢度好多處事方式同policy都好無奈,但我完全沒有憎恨過呢度。
Anyway,好開心既係大老細希望留我。但我自己都諗得好清楚,不能永遠靠屋企,父母老左好多,我亦希望多D時間陪佢地,我之前已經離開屋企4年,呢兩年亦成日出差,好希望可以同佢地去下旅行。
不過最後,所以野都未confirm,一日未有offer,一日都要低調,希望vetting 順利,等待既時間其實好磨人
Comments
Post a Comment