洛奧民 三0再度出發

2017年黎到尾二既一日,按傳統又要做返個回顧先得 今年可以分開一半黎講,上半年平平淡淡,下半年黑黑沉沉 年頭做左份大野之後,基本上直到年中調位我都非常得閒,因為好彩吧,3月冇再收到問題,之後既野做到第二年已經熟手,加上迫自己做快D,所以係office都可以用左好多時間溫書 2月去左轉泰北自駕遊,去之前都有D擔心,結果完全冇問題,D路好好揸,環境好靚,resort亦好靚,能夠完成個trip都好自豪 年頭仲有,震撼既消息,就係家姐有左BB,年中結婚,都花左D時間先可以消化到,9月既時候BB女終於出世,全家包括我自己都好開心,日日都好掛住要抱下B 女,第一個月仲化身湊仔公負責夜晚半個鐘,我都估唔到自己咁有心機. 年尾再度有工人. 雖然係咁,父母仍然唔會溝通,一家人除左家姐結婚果次就再冇一齊食飯. 老豆係屋企都要自己食. 幸好兩老身體仍然不錯,老豆因此出多左街,見多左朋友,可算係正面少少既一樣野. 學業方面,暑假再次計算自己既credit,終於定出19年summer完成所有lecture,19年9月寫paper後就會完成. 有少少可惜係因為時間安排,讀唔晒PCCL 既required, 但另一方面自己一直都冇想過要讀,所以let it be.  9月sem 1其實讀得好差,上堂完全唔專心,reading亦大落後,原來有好多,可能自己轉左位適應緊,而兩堂教既人都教得唔好,同埋心情上自己都好矛盾,一方面知道讀唔上PCCL,自己都想放鬆D,pass 晒所有科就好了,但放得太鬆,自己又變得hea,所以都係認真讀la. 工作方面係今年最大既轉變. 去到7月非常準時調位. 之前一路好想走,但到差唔多調既時間又好唔捨得,因為知道去新位未必好. 同埋果度既同事,特別係阿姐都好好. 加上做慣左D野,唔洗重新再學. 但調位已成定局,還好調位期間放左4日假.調位前亦去左轉石垣島,亦係我今年最後一個旅行. 正式收到風之前已經有人同我講左,聽完都覺得奶奶地. 由鬧市被派往山區,返工要轉兩程地程之外,仲要搭多程小巴,一係行落山就15-20分鐘,差唔多與世隔絕. 地點灰,做既野亦灰,完全唔係我適合,鍾意做既野,唔係我既強項,個個星期要搞食飯,好憎做既野. 加埋冇乜自己友同事,有既亦日日係度想隊死你,成個工作環境好差. 每日返工都好唔開心,11月既時間更加灰到...

上一篇blog講緊做野既唔開心野,今次呢篇亦都係 其實上星期已經想打一篇,但奈何太忙冇時間,等到今日又有激氣野,結果忍唔住要打 而家電話download左個app,可以記錄每日心情,但始終呢度令我可以講得多D 上星期既燥,緣於比我下屬發我脾氣,加上要搞每個禮拜既飯局,等老細覆去唔去等到食飯前8個字,仲要比第二個office d 人想話9我 我真係好撚憎做呢D咁低能既野,下屬果度我唔怪佢,我有甩漏,食飯真係搞到我人都顛,永遠星期五朝早就係浪費時間做D咁既野 今日又黎一單,其實之前都發生過,我真係好頂唔順.  之前睇報紙,有個又係做我份工既人做左年半,寧願減一皮都要離開,佢講左一句說話好岩,出面既人做野,係會想齊心做好件事,但係呢度,係會大家一齊令件事做唔到 明明一件究係人地做,但人地就專登玩野,玩到做唔到,對我冇影響,但就係要玩, 一年好小既事,不嬲都做開,見你轉人就係要搞事,搞完事仲要同老細告你一狀 同時間身處係一個完全劣勢既一方,根本就係捱打,老闆企晒係人地果邊,人地做錯,我都算啦,我食埋佢,仲要比老細屌 之前好嬲名姐,覺得佢廢,又淋,搞到我地比人恰,但今日senior話我知,其實阿姐咁做都係為左係呢度生存,我明白,唔再怪佢 我唔怕做多D,但要合理,完全唔相干既野冇理由幫你做. 況且而家唔同之前,之前自己一個單打獨鬥,有時自己咬緊牙關頂埋佢就算,而家有下屬,我頂即係佢地頂,所以絕對唔能夠咁做 有幾下自己真係好想掉信走人,但我冇勇氣,因為我背負住好多野,唔能夠咁樣一走了之 岩岩完全sem 1,仲要sem 2,summer,同埋paper,我D學費仲未有著落 所以不得不keep住份工,起碼多一年,可以比我舒舒服服賺埋學費,同埋呢度放工時間穩定,我諗我黎左之後未試過夜過7點走,對我讀書都好有幫助 加上呢幾年人工多左,儲錢亦多左,我亦將人工好大部份用左係儲蓄. 今日仲激到wtsapp之前老細,因為我見到有opening. 但諗深一層,一來係一時衝動,二來都應該要減幾多人工,又唔知係咪岩自己,三來未讀完書唔想再返去,否則對僱主唔公平,因為要返學,真係會影響做野 所以,我比自己一年既時間,含L一年,到下年呢個時間,我應該已經pay off晒d學費,只要交晒學費,到時可以再諗清楚自己想點. 就算想走,都冇咁...

最近自己做野都有正面既改變,電話download左個app防止自己玩電話,心態亦都改變左,一黎到可能受到呢度既人影響,成日會質疑其他人做既野冇用,但後來自己諗通左,佢地做既野點樣其實唔關我事,最重要係我做好本份,幫到佢地做到佢地要做既野. 估唔到,今日突然之間就奶野 話說琴日同今朝都好唔開心,因為工作上活生生咁睇到其他人係幾咁乞衣,幾咁笑面虎,內心幾咁狗,忽然間realize自己身處係一堆野獸當中,一步一驚心 但點都好,諗住自己做好就得,最多自己要做多D,但總知做到件事,我不嬲都冇所謂 但點都估唔到有人會走去FB secret page上接近開名咁老屈我,暗指我同下屬行得埋,又唔做野 下屬send左比我睇,本身請左半日假係library溫書,果一刻真係好無奈,但又做唔到D咩,心情一下子跌到落谷底 好唔開心,好失望,覺得自己好無辜之餘,我更加明白到,我既事業或者已經玩完 做到進入第三年,我明白呢度既玩法,呢度既生態,加上做到差唔多4個月,我完全明白我上面D老細係幾咁賤格,幾咁縮骨,我呢D小薯完全係被放棄既一群,加埋我唔識做人,唔識講野 我知道我出事唔單止冇人會保我,更加有機會要隊我 我唔甘心,個post唔只係失實,最痴線係我黎左只係短短3個月,D人都未識我,什至未知我既存在,我亦未識晒D人,長期摺埋,完全保持低調,真係諗極都唔知有咩人可以得罪到,咁都可以比人做我 我知我知,做過幾份工都叫做好順利,諗返起除左第一份工有一次唔記得cancel booking搞到比人罰錢(重點係公司唔洗我比)之外,我好似從未因為做既而咁唔開心,上一個位都只係太忙. 證明我呢幾年都真係幾順利,而我亦知道唔會一直咁好彩. 但要我咁樣死法我真係覺得好唔抵,完全係乜都未做就比差佬塔. 世途險惡,我或者好了解政治既狗招,但我只係書生一名,實驗經驗等於零 我知道咁樣認輸係好很冇用,我唔會咁易放棄,但有D野真係唔到我話事,咁岩遇正weekend,等兩日先可以返工,到時先知咩料,但我作好最壞既打算,輕則比人放棄,苟且偷生,on99,生勾勾,冇得比你升,重則班狗人迫你自己執包袱 我一直覺得我唔可以失去呢份工,因為呢為工比到我財政上滿足,但有時D野整定的,係你既係你,唔係你既只會係貪心. 事實上隨住我搵錢越多,我洗得越多,但就越黎越唔開心.或者真係如...

好想寫野，雖然好攰 返左新位兩個月， 越黎越得閒，直程得閒到冇野做 真係好悶，有種unwanted既感覺，真係似層相識，咁似第一份工既 做人真係犯賤，其實我係好鍾意做野，但我知道要兼顧返學，太多野做又會有影響 有野做時d野又冇乜挑戰性/意義，即係唔使點用腦，我發覺自己做左兩...

估唔到暑假都要黎個回顧,今個暑假都寫左幾篇blog,聽日就開學了,趁仲有時間可以hea下,想再寫下,開左學應該就冇咁多時間了 今個暑假好多野發生,首先考完summer 個final就last day,之後就調位,到而家都入左位個半月,雖然開始返慣但心裡面仍然有不情願 可能之前實在太攰,呢個假我自己黎講算做得多野. 不過就好少返搵人去玩/食飯,寧願差唔多每晚返屋企食,食完可以瞓係張床睇kpop很爽. 今個暑假用電話買左幾套好戲睇,又睇晒最新一季house of cards. 人老左,weekend唔瞓得晏,幾次都係早起身出去做野買野,對於以前既我簡直係唔可能 再加上8月打左兩次8號風球,返左兩次風間,兩次都係凌晨掛波,很累 比較開心係今個暑假睇完一本書,幾年都冇試過,多得早幾日約人食飯前係cafe睇左好多 Anyway,呢個暑假算係比我有幾好既休息,話咁快又要返學,真係未ready 係呢度,想寫下黎緊呢一年既學習目標: 轉左新位,老細未知我返學,亦唔打算主動比佢知,位置遠左,趕返學肯定比之前辛苦同麻煩,況且之後既工作唔知會唔會對讀書有影響,但最後一年,希望自己能夠捱到落去 因為reg科既問題,我諗再讀上去既機會已經好低,因為take唔晒D 班,但諗深一層,我一問始既目標已經唔係讀上去,無謂太貪心 讀埋最後一整個學年,之後再加一個sem寫paper,我就完成了,其實往年心態都係順其自然,今年更加要強調,不是hea讀,只係唔需要再追好grade,唔好比咁大壓力自己,由13年開始,讀左4年,到上個Sem又係聽唔明但拎B,我相信大概自己都係有能力的. 同埋上個學年比之前讀得認真左,D野提早左準備,只要keep到,應該還可以的 總括黎講,今年唔想再比咁大壓力自己了,太chur果D course,真係避一避風頭,難得黎到呢個新位,我D焦慮好似有改善到,希望唔會再翻發 以上既諗法,好大程度係來自暑假睇完果本書. 本書講左好多野,我記唔得晒,但最後既總結,係叫人活在當下,意思係唔好諗過去,亦唔好諗太遠,focus呢一刻做好去,自自然然你就會去到一個點. 本書亦講到,平庸係冇問題的. 信心係來自自已,唔應該靠別人比既,人地點諗自己控制唔到,所以應該專注自己能夠控制既地方. 本書比到我好大既impact,因為好似做左廿幾年人,終於有個人...

最近得閒,多左野寫 唔經唔覺新位都返左一個月,時間過得好快,黎到8月中,暑假都就黎收皮 呢個暑假好hea,平日放工都係返屋企睇kpop,個人真係好摺 今日同老豆食lunch佢都話我自從返左呢份工之後個人唔肯同人講野 我自己都發覺係,但諗返又未必關份工時,都係屋企既事令到我唔想講野,雖然過左一年幾,睇化左,但個心始終會唔舒服,好困擾 加埋而家返工又唔會太開心,其實都冇乜機會講野,冇咩同事可以傾下計 我用左好多唔同既理由叫自已唔好唔開心,今日係度諗,算啦,而家做緊既野係唔鍾意,但唔洗做一世 事實上呢個位我既投入感好低,一來自己好憎做緊既野,二來而家有人幫下手,自己唔洗太過上心 同埋真係各處鄉村各處例,好多野我都仲摸索緊,唔係好明,包括點樣同老細work 諗返起真係整定,第一個位做既野同自己第一份工有關,呢個位同自己第二個位有少少似,但又同第一個位似,要做埋D on9野 兜兜轉轉又要做返果D野,由低做起,緊係唔會好受. 但自己都要專業d,認真D. 同埋都睇化左,上手肯定係做得好,我一定唔會做到同佢一樣,但我應該show 到我有唔同approach 我有的既處事方式,都可以完成到D工作,thats the thing,一句到尾多D信心,信自己,人比人比死人,人都走埋,比條命 呢排成日諗住尋找生活既意義. 趁而家有時間,開左本係台灣買左好耐既書黎睇,講點樣學習比人討厭,第一晚睇已經睇晒第一章,好好睇,可惜之後又冇心機睇,睇得好慢,希望暑假前完成 另外亦睇左兩套有意義既戲,spotlight 同埋 captain phillips,兩套既共通點我諗都係主角都可以係工作上搵到意義,做緊D有意義既野,或者自己係做得好passionate 我睇返自己,除左上一份工一開始我有呢種passion之後,之後都冇睇到. 上一個份好努力,但係都係死做爛做,只希望完成到手頭上既工作,或者再遠D就可能係intern果陣,但果時始終唔係返工,不能比較 我成日都諗,我好想做D自己鍾意又有意義既野. 果樣野可能係我既老本行政治,但我始終諗唔到一個切入點去做,唔知點樣開始,有諗過寫評論,但我又懶睇野. 同埋D concept都開始唔記得,真係要做就要睇返以前既書,而以前我好多concept都未係搞得好清楚,真係唔明我點樣畢業. 目前都係希...

入左位4日,用左4日時間將自己要做既野整左個excel,希望可以organise好D D野,堅持要咁做,因為我知我而家唔咁做,之後就冇時間亦冇機會做 對一切既野仍然有D不知所措,但急既野總算都可以處理到,我為人心急,屋企人女朋友都叫我慢慢黎,睇到阿姐都冇催迫我,亦叫我慢慢做,我都放慢手腳 老實講,返呢度仍然未係好開心,可以講係唔開心,一來所有野重新黎過,彷彿我過去兩年係第一個位既努力同所建立既野完全付諸流水,有D唔太甘心,所有野都要重新適應,或者係自己第一次面對轉位,未能適應吧 二來係呢個位冇人可以傾訴,又係全女班,又冇乜同自己差唔多年紀既人. 三來呢個位置真係好氣餒,想去銀行都冇可能,因為行去最近既都15分鐘,返黎就唔夠時間. 返工好轉折. 加上呢個位都困身,打風要留係度/返去,搞到我而家勁唔鍾意打風 今個禮拜起發覺自己頭痕,痕果陣想r 又會痛,仲好似出左D瘡,見越黎越嚴重,星期六晨咁早去睇 呢樣又係灰心,以前返工個位,去睇醫生好方便,而家好多野都要weekend先搞,即係要早起身 睇完醫生,唔知乜野炎,盛位$880,我呢半年睇醫生都睇左我份糧,身體差,好多時都係皮膚奶野先 今次都唔知點解,我自己就覺得係壓力同緊張,因為返新位吧 再咁落去,我都唔知自己可唔可以做到落去,我嘗試叫自己唔好緊張,但唔work,上星期初都瞓得唔好,最恐怖既係一合埋眼就諗起返工D野 其實呢排都有諗,係咪真係應該聽女友講返美國? 諗下諗下,畢業之後,我返左黎香港6年了. 6年,已經足夠令我對香港fed up. 返到黎,身體好差,以為係之前份工既問題,但轉左工一年之後,身體好似仲差過之前,病開就係咁病 搵錢而家係ok,但D野好貴. 想出黎住冇可能. 周圍都多人,去買野食野都係受氣多,搵完錢只係想去旅行fing左去 加上,以前都唔覺,但今年開始,發覺香港漸漸會被吞噬,好快好快,香港人再唔會係做主,所以資源優勢都會比人奪去 但係美國住過4年幾,我絕對唔會有無謂既幻想 好現實地諗,首先點樣搵食? 作為華人,唔係專業人仕,唔通真係去做餐館? 自己都未必捱得住 搵唔到食,又點樣生活呢? 香港有好多野唔好,但始終仲有好既交通,基本既醫療,治安仍然算係咁 之後既路點行,我真係冇idea,我只係想趁自己而家係呢份工入面能夠賺多D錢,等...

Handover左差不多一星期,黎緊星期二就正式入位 上個星期日晚瞓唔著,臨瞓前仲胃痛,星期一二晚都瞓得麻麻 我既緊張又返黎,我既不安又返黎 好無奈,去完外國,返左黎幾年,都以為自己已經搣甩左緊張呢樣野,至少唔會再有咁大反應 但自從上年要頂個同事一半工作之後,個人情緒管理差左好多 無論我點勸自己,點祈禱都好,都唔能夠令自己冷靜落黎,好悲哀呢樣野係我就黎30歲既時間返左黎 亦令我諗,我只係經歷左第一個位就已經搞成咁,仲點走落去呢 其實諗返起我已經唔記得點解上年年尾會咁緊張,淨係記得係一段短時間入面多左野做 再諗深一層,可能加埋一入黎呢份工果段適應期太痛苦,果時一星期返足7日,又唔知做緊咩,又唔知D野點做,但就係因為我堅持落去,先能夠解決到D事情,捱過果一下,往後都好順利 我要同自己講,要帶走既正正係D positive 既野,而唔係不斷諗返果陣幾咁痛苦 人大左真係好憎轉變,黎緊新位既野我冇乜信心之餘,我上手做得好對我都係一種壓力 但再諗下,其實要做既野睇落真係唔太難,只係多,唔應該諗得咁負面,至於能唔能夠做得好過上手,呢樣真係唔太重要,做好本份就好了,上面點睇亦控制唔到 放暑假呢段期間好懶,幾經辛苦先迫到自己寫份野,想話去做運動,呢半年都完全冇郁過 對身邊既事物提唔起勁,唔想約人,每日放工就想返屋企,k pop又唔係太多野聽,韓劇又冇再好似以前咁追,同埋人老左,睇夜D都好眼瞓,加埋house of cards season five真係麻麻地 日日返工都怕肚痛,每日都係搏大細. 身體既唔舒服又醫極都唔好,都唔知究竟係心理既問題定係生理既問題. 希望呢個新位,唔會令我既問題惡化,而係比到我一個喘息既機會

7月11日,係我第一個位既last day,估唔到都有D唔捨得,因為同事真係好好,黎之前真係完全冇諗過,有人送禮物,有人送卡,有人搵我影相. 我以為上一份工既人先係咁,點知原來呢度既人都好熱情,連D完全冇接觸開既人都同我講唔捨得我. 再者,當年想做呢份工,其中一樣係因為我想定期轉下位.但人就係咁衰,當做左一段時間,而人又大左,就會怕要轉變 之前一直好唔鍾意而家返工既呢區,點知黎緊要轉既地方更唔方便,而家呢度雖然遠D,但起碼方便,我呢幾年生活習慣都係晒度,包括買野,搞銀行,剪頭髮 而家好唔慣,好似早兩日剪髮,要去返而家住既果區,仲要星期六早起身去 有D野,真係失去左先識得珍惜 last day之後放左兩日假,好充實,咩都唔洗諗唔洗做,出奇地冇瞓得好晏,仲執左兩日房,去左搵兄弟,同埋掉晒D放左好多年既舊電器,終於可以的起心肝去做,感覺良好 放埋D假,就清晒所有假,加上剛轉位又唔方便放假,睇黎有一段時間都冇假放,冇得去旅行了 黎緊去果個新位,聽上手講係ok,但做既野我唔太有信心,唔係我既強項,但舊位D阿姐都同我講以我既能力去到邊都搞得掂,希望咁樣可以比到自己信心 點都好,盡力去做,有交帶,做野認真,諗過同小心D,應該都唔會出大事.  懶左幾個月係舊位,係時候要train up 返 早幾日有人share美國一位大法官既演講,講左好多有用既野,其中最深刻係希望D高中畢業生遇到一D 不幸運既事,等佢地唔會將所有野take it for granted 對我感受深,係因為令我明白,好多野自己可以努力,自己可以做好,但做事總需要D運氣,自己盡左力,就好了,其餘既交比天主吧 難得有機會比我做野上重新開始,希望做好D,開好個頭!

原來成個2017年,除左一月果篇回顧之外,都冇打過blog 一月所訂立既目標,當年冇乜點實行,主要係懶,同埋自己做埋D傻事,搞到做唔到 呢幾個月身體都有野困擾,最慘係醫極都醫唔好,洗左好多錢,只好慢慢等佢自己好 Anyway,係呢個位做左差唔多兩年,終於有消息要執位 其實一路都好想走,但收到消息果陣又冇想像中咁興奮 呢半年其實得閒左好多,一來D野少左,二來做左兩年,D野熟晒手,自己做野又efficient左, 會提自己唔好諗住OT.因為我發覺你一早諗住要OT,你就會一路磨爛 蓆 大半年入面大部份時間都係準時收工係咁先,而且阿姐like我,對我好好,份人又make sense又合理,攞親假都批,所以最唔捨得係佢 但正如佢所講,過左兩年,我留係度已經再學唔到野,呢兩個月真係得閒到我自己都覺得唔掂,又諗起以前冇野做係幾慘,一有野做得就興奮 係得呢度,come and go唔到你決定,亦唔到你想唔想,執份有好多uncertainty,無論去邊做D咩返邊區都唔會知,亦冇得揀 最擔心係會影響讀書,讀書果度追返上黎,按計劃進行的話讀多年就收工. 我都估唔到自己仲堅持緊. 係呢個份做野其實學到好多野,特別係吞聲忍氣同埋用腦,最開心既係得到唔同人既認同,無論係阿姐,同事同埋working partners. 假如呢D野發生係我日常生活就好了. 希望快D搞掂今個summer既final,真係想好好咁放暑假,瘋狂煲劇,順面執下野

每年例牌動作,以前叫學大台叫大事回顧,今年改改名,因為冇咩大事 2016年實在冇乜野發生過,大部份時間都係做野同溫書中度過 逐個月去講真係冇咩好講,亦唔太記得,反而試下從各方面去講會諗到多D 做野方面,都係繼續忙忙忙忙忙,忙都仆街,特別係一月,又有野交,但同時又比女友迫我去旅行,老細又係放我,完全係瘋狂既行為 三月全城預備既大野,做落冇想像中咁大獲,只係老細突然sick leave兩個禮拜,咁都捱得住 跟住落去5,6月都好空閒,可以抖抖,七八月又地獄,但今次算好左,起碼少左weekend OT,更加唔洗星期六日都做 過左七八月既旺季,9,10月本來都忙,點知同Team有同事生仔,要頂一半佢既野,結果做到痴肺 壓力超大,多年冇左搞我既緊張心情又再來襲,腸狀刺激症又復發,真係有錢冇命洗 10月本來要去Camp,但整親,11月再去,估唔到自己一把年紀仲可以咁青春 anyway,做左一年幾,D野基本上上手,老細亦非常信任我,只係個位的確係Chur,18年只係想準時調位 感情方面,都係穩定地發展,去左三次旅行-沖繩,釜山同關西,其實每次都好開心,佢亦係我一個好既旅伴. 雖然今年大家都有鬧過交,有時仲鬧得多,但overall其實佢都好就我,我亦明白,冇乜女仔可以頂得順我既性格,頂得順同我去行超市 屋企方面,由七月開始到而家,兩老都冇再講過野,亦好彩佢地冇正面開拖,其實佢地想點我都冇所謂,老豆亦由好大既怨氣變到睇化左,我都唔知可以點,好無奈,大家逃逃避避,我既心中永遠都有呢條刺 今年仍然仲聽緊K pop,仍然咁熱中,韓劇方面,去到年中放暑假唔洗返學更加係越睇越勁,同時追兩套劇. 但到年尾,我發覺追劇追到好夜,個人身體真係好差,所以主力都係放工搭車先睇,今個聖誕假直程冇點睇過 呢一年,個人睇化左好多野,特別年尾,個人真係好攰,無論係身體定心靈,無限量既工作,加埋要讀書,令自己冇機會靜落黎抖下,連去旅行都因為趕行程加重自己既疲累 9月起其實個人積極左,為左去camp連續跑左6個星期步,每星期都堅持到溫書,每日仲舉鐵,但就因為太急進,整傷左條腰,傷左好耐,做左兩次針灸,就冇再做運動. 一句說話總結: 欲速則不達 除左整傷條腰,其實都realize自己身體好差,成日病,去完camp仲生埋蛇,結果好養生咁,個人早瞓左,冇再捱夜煲劇...