很香港人

返左黎就快3 年

日日返工放工，而家仲讀埋書，

拍拖睇戲食飯，人容易病

開始都忘記過去係外國既生活

越黎越似返個香港人，都認命

其實都唔係幾想讀書，但個個都有master, 唔讀之後唔夠人片

之前想去d 特別既地方旅行，拍拖後都冇點諗

樓貴到痴線，但都冇辦法，係呢個地方，做人係冇選擇

拍拖同女朋友都好好地，同佢屋企人就算吧la

每次同親佢地食飯，我十萬個唔願意

出到黎，冇人理你，我都慣左搭枱

打招呼都唔太洗，自己坐埋一邊食下野，玩下電話

欣賞下佢地既被動法講野神技，永遠唔會直接同你講，要同我女友講再反射過黎

我都衰，冇花d 心機去經營大家既關係， 但冇辦法，小弟係外國叫做住過幾年，唔識禮貌，只係知道野係面對面講，傾計絕對係好自然既野

我有諗過，如果我唔係做緊呢份工，而係有份高薪厚職，餐餐我負責埋單，我既遭遇仲係咪咁

但我明白，這裡是香港，咩都係錢行先，玩遊戲要守規則，fair enough

係呢度，我唔奢望有人會明白我份工，我做緊既野，身邊家人女友朋友都冇人理解，我知道自己鍾意就好

我亦都冇興趣去講， coz u are in hk man.  No one cares about how u are helping the others in your work.  They only care about how much u make. 

其實都唔好淨係話佢地，自己屋企人都係咁。 ok,  但人與人既交流唔應該係咁的

女友可以揀，but not her family.  保守估計全香港有70% 既屋企係咁，20% 內心睇你唔起，但仍堅持同你保持有限度鳩流，如：問下你最近忙唔忙ar,  答忙就會認為你忙黎又揾唔到錢，答唔忙又覺得你hea, 總結都係覺得你冇撚用。 淨低10% 就係d 真係好人既世伯伯母，香港地仲有好人ga, 但你唔會遇到

Ok, 我寧願係果20% 假鳩流，寧願大家做下戲，總好過on 99 搭枱，平時出差已經要應酬，返到黎都比個break 我

但係可以點，去到外國又冇野撈，留係度就要順應呢到既生活，同時堅持做返少少自己，再奢望自己過多幾年揾份高人工既工，買到樓，咁就一世

返左黎3 年，我發覺自己越黎越少野講，唔知點解自己變到咁，可能身邊真係好少人對到咀，可能呢度生活真係灰到講多句都嫌多