2013年回顧

每年一月,都會寫下上一年既回顧,今年亦唔例外

13年其實對我黎講係幾唔錯既一年,相比起近呢3-4年,13年算係過得最好了

今年個人充實左,冇咁悶,一來係拍拖,二來係轉左新工,三係返學

拍拖令我既生活變返有色彩,呢一年同女友去左好多唔同地方,有D好想去既地方,OR 係Openrice 睇左好耐既餐廳,我都終於試左

亦令我電話既WHATSAPP變得好有用

工作方面,年頭一如以往超HEA,但又走唔甩. 4月有個大EVENT要搞

但其實二月果陣已經有兩份工IN我. 當3月同女友一齊去DISNEYLAND慶生日既時候,突然收到電話,請左我,人工仲多左幾千蚊

奇妙既野就此發生,等左咁耐,終於可以轉到工! 終於唔洗再浪費時間.

但都要搞埋個EVENT先走,真係好諷刺,臨離開既時間,居然係我做左年半以黎最多野做最繁忙既時間

雖然我想早走唔做個EVENT,因為實在唔想再對住個阿頭,但老細唔肯,最終我有留低做,仲全力去做,連總部既人都讚我. 講緊係我做完EVENT之後果日就LAST DAY,但我絕無HEA底.

LAST DAY同事都有FAREWELL 我,我SUGGEST左一間公司附近既頹酒樓,之前成日去食,以後都應該冇乜機會. 食完去買我好想買好耐既散水餅,揀左聖安娜

最後一日都係要OT,因為太多野要做. 離開呢間公司,我一D唔捨得都冇.但都要感恩,始終當年佢地見我冇經驗都請我,亦算肯比機會我,只係佢地本身可以提供既機會都有限. 我唔捨得反而係上環,附近實在太方便,太多野食.

抖左一星期,先返新工. 我發覺得做左呢間公司咁耐,冇點放過長假,除左2月同屋企人去泰國之外. 因為想儲起D假,到走既時候可以快D走. 所以呢個星期真係要抖抖. 搞銀行,買衫返工.

4月29日,正式返新工,同事同老細都幾NICE,但差唔多全部都係女. 我到返工果日先知道我負責D咩.

之後因為D情序既問題,足足坐左兩個月先有野做.果兩個月我問自己,唔係咁黑MA? 好彩過左兩個月,開始有野做,有得出TRIP,平均每個月都要出一次.

呢份工做得開心,因為同事好好,做野既自由度幾高,唯一係唔太穩陣,每年逐一次CONTRACT,同埋冇乜機會升職加人工

同女友方面,3月第一次同佢父母飲茶,還可以的,但同佢屋企人食飯,完全冇人理會,到而家叫做好D,之前會唔開心,而家都接受左,去到坐係度食野就算. 我諗係因為我搵唔到錢掛.

9月開始,展開我半工讀既生涯,其他真係好累好辛苦,特別係我要出TRIP,真係更加痛苦.

另外,好彩同舊公司關係好,佢地都有叫我返去幫手做秘撈,搵返多少洗用

生日同女友去360,生日果個免費,之後係TST食左間好靚既西餐.女友仲整左蛋糕比我.

12月唔洗返學,終於有返自己既時間,好享受. 雖然我有無數次諗過放棄唔讀,但我唔想成日都咁易放棄,而且星期日我多數冇野做,讀下書比HEA更有意義.

身體方面,返到香港身體越黎越差,出完TRIP返黎都病,但腸胃好似好左,冇咁易屙,同埋而家公司個廁所好岩屙屎.

信仰方面差左,特別做左新工之後都冇返過CHURCH,我都唔知點解,但我仍然有祈禱

自己好似更加少野講左,又係唔知點解

但SO FAR 2013過得幾好,好順行. 但就令到我淆底黎緊14年會點. 冇辦法,見步行步