又再奶野

今晚同roommate食飯飲酒,其實我地一路都keep住見,但真係好耐冇3個人一齊

原本約埋其他人,但D人冇反應,我以為搞唔成,點知男RM得,咁耐冇出黎,我聽日又補假,難得三個人,咁就食個飯la

今日又係成日同W whatsapp,其實我都盡量唔主動搵佢,琴日就成日冇傾計

但今日佢主動whatsapp我,咁就無無聊聊係咁傾

點知出到去都仲繼續傾,咁我就一路同roommate傾一路食飯飲酒

但一早冇話佢知,因為冇叫到佢,廢是講

唔知係咪飲左兩杯(雖然今日果兩杯真係好冇料到),我講下講下冇野講話我出左去食飯飲酒

佢話佢都唔知,之後我話同RM食,之後佢D態度開始有變

原來whatsapp d 樣係好重要,冇左d樣,你就會好明顯發覺果條友有D野

當然加埋佢打野冇晒haha同尾音,我就知咩事

其實我唔知點解佢會嬲,唔知佢係因為我唔叫埋佢,定係冇同佢講我同RM食飯今晚

anyway,其實我又冇乜所謂既,今晚咁樣,又睇清楚佢.

唔知佢會唔會再whatsapp我,但whatsapp其實真係幾浪費時間,我都真係想做返D有意義既事

你話我幾黑幾冇用,短時間來Screw up左兩個同我有機會發展既女仔,所以我覺得我完全唔適合溝女

我終於明白搵個天主教徒女朋友既重要性,就係始終都比較純品la.

咁都仲未完,到KK,同兩位RM分享左之前發生既野

點知原來有更離奇既事發生

原來J唔妥女RM 同 另一女生N,事緣佢地同W玩得太埋

咁J做左樣好小學雞既野,block左唔比佢地睇佢既FB,連男RM都被半block

而我居然係睇到full version,其實唔係一件好事,因為佢日日係FB鬧神鬧鬼,睇到想嘔

講返點解會咁,其實W講過比我聽個原因,但我唔方便講出黎,所以扮唔知

咁講點解J會知我地同W玩得埋,女RM點醒左我,應該係KK爆大獲

其實件事又係因為我,我都覺得自己好蠢累街坊,因為當初係我叫KK一齊玩

果陣係因為玩果個地方就係KK住既地方,諗住去到唔叫去好似唔係幾好

而我就assume KK會keep it secret,點知佢爆左大獲. 而家諗返起,先醒起當日大家係whatsapp group講J知道左,點樣應對既時候,KK冇乜點出過聲

我都同女RM講,應該一早話我知. 唉,真係估佢唔到,呢個社會真係複雜.

聽完呢件事,其實我都幾唔妥KK,講真我幾緊張我既RM,真係唔知點解佢要咁做. 唔知佢真無知定假天真,大家都應該知道件事唔出得街比J知.

我真係唔想搞到RM同N佢地咁,雖則我真係好麻J,而我唔明點解佢唔block 我呢

唉,女人令我失望真係,今晚一次過搞掂.

如果我冇估錯,W應該係個幾記仇既人,所以佢應該唔會再主動搵我. 都好既,因為我都唔想再whatsapp落去,實在冇意思,亦唔想再搞出任何誤會

KK方面,真係失望的,之前我都只係覺得我唔岩,但今次我都唔知佢係個點既人.

唉,想搵女朋友,真係要走出去,唔好係圍內搞任何野,因為真係好煩.

但咁搞法,睇黎真係守獨身. Anyway,今次有好有唔好既,我諗天主比我知道左D野,明白左D野.