今日係天主教camp follow up既日子.
本來一早約左幾位組員食lunch,但琴晚同兄弟玩到好夜,實在唔想早起身,所以琴晚已經同佢地講會放飛機
其實一連幾個星期六都有野做,仲要下下早起身,真係幾累. 之前就覺得自己訓到下午好頹,但而家真係有D掛住果陣唔洗聽鬧鐘起身既日子.
其實今日安排有D麻麻地la,一來個時間有點兒唔知點咁,兩點半. 二來地點係堅道,原來星期六去都好鬼麻煩
我一早預左半個鐘由中環上去,結果都遲到. 等小巴等左好耐,小巴開車居然係干諾道中塞左幾耐,仲要比多左錢,因為唔知有分段收費.
去到,做左少少分享,聽多一個talk,再做分享,再聽總結,大家祈禱,咁就完左. 其實follow up既用意係幾好,因為如果唔follow up,我諗過左個camp之後大家都會唔再理會
今日係一個好好既機會溫故知新,同埋再學多少少野. 但係時間都幾短,又要專登去到果個位,所以佢地應該諗一諗點樣improve個follow up.
另外今日以為自己果果組大部份人都會黎,點知最後計埋我得3個,有兩個好遲黎. 而同其他組D人都係冇乜交流,之前識住同一層既男仔都冇乜交流.
但係我地呢屆camp終於完滿結束了. 個camp真你令我有好多得著,能夠參加真係一生無悔,亦都好慶幸能夠係依個階段去睇返自己短短廿年既人生,亦都對於將來點樣同人相處,特別係屋企人,有好好既影響.
今日最後一個主題係講自己既未來,作為一個天主教徒,有三條路揀: 結婚,修道,同獨身
同組員分享,我一開始都話自己選擇獨身,因為慣左自己一個. 之後再講,我話其實自己有諗過做神父,佢地即刻好high,問我有冇搵神父傾過. 因為做神父,係要有聖召.
其實我的確有諗過做,但只係流於好表面,我知我冇收到聖召(我都唔敢講未),同埋之前諗,都係諗住橫掂自己單身,唔好浪費. 我知呢個唔係一個好既原因. 同埋我覺得自己都唔太適合.
另外果兩個. 婚姻,離我太遠,因為我連一段感情都冇. 我都老老實實同佢地講,我對感情冇乜沖境,而且自己父母既婚姻亦都令我對婚姻好悲觀.
今日其中一個分享,係講個女仔點樣一直期待住美好既感情生活,結果年屆盛女都未有著落,打算要獨身,點知就比佢遇到個男仔. 最正既就係,兩個都一直有為感情事而祈禱.
我的確都有諗過類似既野,我對下一段感情既來臨抱住絕望既態度,但我既絕望可以話係80%多D,我內心係仲有10幾個%既希望,可能等多幾年會有希望,但呢個希望我始終覺得係唔大. 雖則話我兩個表哥都係30歲先初戀,但而家既感情實在係越黎越變質,不能相提並論.
有未必好,冇未必壞,我做好左獨身既準備,自己由細到大都唔係一個好需要人陪伴既人,我珍惜獨處既時間. 最緊要係好似今日修女咁講,前面行邊條路,你都係有選擇,唔係上主迫人上梁山,就要用你叫我做咪做既心態,行條咩路,都要用積極既態度.
最近自己亂諗野既時間多左,好彩今日有個信仰既聚會,堅定左自己,所以以後都唔好隨便miss mass,但後之後冇乜D咩既活動,真係好怕自己又在軟弱.
今晚仲去左佢地個聚餐,本來都唔想去,但諗住去識下人,去下lor,點知自己好多組員都唔去,幸好都有兩位組員陪我,但成個聚餐都冇乜機會同其他人去交流. 我諗之後都未必再會參加D咁既活動,始終唔識人去,真係好唔知點,好難去融入一個固有既圈子,特別自己唔係一個識埋堆既人.
最近又開始灰,一來工作又再停滯,又係每日返去浪費時間,浪費了一年多,仍然看不到前路.
生活方面,又再沉悶起上黎. 其實我好想去睇戲,最近想睇007,但冇左KK呢個飯友戲友,都諗唔到同咩人去睇. KK琴晚又整兩個whatsapp黎,佢應該係做野辛苦,想搵人分享下,亦都有D問候下既說話,我仍然冇覆佢,因為我真係唔知答咩好,我唔想佢再誤會D乜. 坦白講,我完全可以做返之前咁,日日都whatsapp,約佢出黎食飯睇戲,但我唔想再咁做,因為唔想佢諗D乜. 我真係對佢冇野.
而W方面,我相信如果我肯努力,我係可以追到佢,我feel到佢有D意思. 之前講過我睇唔通呢個女仔,我唔知佢係個點樣既人. 可能佢行為或者內心入面係有D問題. 經過今日既talk,我係度諗,如果我真係鍾意佢,我願唔願意花時間去開解佢呢? 因為呢個camp最大既得著係,每個人既行為同諗法,好大程度係受自己童年及過往既生活所影響,所以就算W可能係有問題,都應該係佢成長路上遇到一D野而導致咁樣. 不過我自己都唔知自己有冇咁既能力同耐性去咁做. 可能佢會遇到一個做得比我更好既人. 老實講,做佢果行,咁多男仔,佢又咁cute,咁都冇人追佢,真係冇咩好講,我都應該係一個過客,唔想再引起咁多麻煩,不如做朋友舒舒服服好了.
KK同W都係我近年來難得有既感情機會,但可惜因為唔同既原因,我都決定唔行多一步. 會唔會過左今次之後就唔再有咁既機會呢? 我相信係有可能. 去完camp果陣,我真係好想搵個天主教徒女朋友,亦都祈左幾日禱,但最後自己都決定不如獨身好了. 過左今日呢個event,我覺得要搵天主教徒女朋友都幾難,所需既時間一定會好長. 自己都係一如以往,兩手準備. 提醒自己,積極生活.
本來一早約左幾位組員食lunch,但琴晚同兄弟玩到好夜,實在唔想早起身,所以琴晚已經同佢地講會放飛機
其實一連幾個星期六都有野做,仲要下下早起身,真係幾累. 之前就覺得自己訓到下午好頹,但而家真係有D掛住果陣唔洗聽鬧鐘起身既日子.
其實今日安排有D麻麻地la,一來個時間有點兒唔知點咁,兩點半. 二來地點係堅道,原來星期六去都好鬼麻煩
我一早預左半個鐘由中環上去,結果都遲到. 等小巴等左好耐,小巴開車居然係干諾道中塞左幾耐,仲要比多左錢,因為唔知有分段收費.
去到,做左少少分享,聽多一個talk,再做分享,再聽總結,大家祈禱,咁就完左. 其實follow up既用意係幾好,因為如果唔follow up,我諗過左個camp之後大家都會唔再理會
今日係一個好好既機會溫故知新,同埋再學多少少野. 但係時間都幾短,又要專登去到果個位,所以佢地應該諗一諗點樣improve個follow up.
另外今日以為自己果果組大部份人都會黎,點知最後計埋我得3個,有兩個好遲黎. 而同其他組D人都係冇乜交流,之前識住同一層既男仔都冇乜交流.
但係我地呢屆camp終於完滿結束了. 個camp真你令我有好多得著,能夠參加真係一生無悔,亦都好慶幸能夠係依個階段去睇返自己短短廿年既人生,亦都對於將來點樣同人相處,特別係屋企人,有好好既影響.
今日最後一個主題係講自己既未來,作為一個天主教徒,有三條路揀: 結婚,修道,同獨身
同組員分享,我一開始都話自己選擇獨身,因為慣左自己一個. 之後再講,我話其實自己有諗過做神父,佢地即刻好high,問我有冇搵神父傾過. 因為做神父,係要有聖召.
其實我的確有諗過做,但只係流於好表面,我知我冇收到聖召(我都唔敢講未),同埋之前諗,都係諗住橫掂自己單身,唔好浪費. 我知呢個唔係一個好既原因. 同埋我覺得自己都唔太適合.
另外果兩個. 婚姻,離我太遠,因為我連一段感情都冇. 我都老老實實同佢地講,我對感情冇乜沖境,而且自己父母既婚姻亦都令我對婚姻好悲觀.
今日其中一個分享,係講個女仔點樣一直期待住美好既感情生活,結果年屆盛女都未有著落,打算要獨身,點知就比佢遇到個男仔. 最正既就係,兩個都一直有為感情事而祈禱.
我的確都有諗過類似既野,我對下一段感情既來臨抱住絕望既態度,但我既絕望可以話係80%多D,我內心係仲有10幾個%既希望,可能等多幾年會有希望,但呢個希望我始終覺得係唔大. 雖則話我兩個表哥都係30歲先初戀,但而家既感情實在係越黎越變質,不能相提並論.
有未必好,冇未必壞,我做好左獨身既準備,自己由細到大都唔係一個好需要人陪伴既人,我珍惜獨處既時間. 最緊要係好似今日修女咁講,前面行邊條路,你都係有選擇,唔係上主迫人上梁山,就要用你叫我做咪做既心態,行條咩路,都要用積極既態度.
最近自己亂諗野既時間多左,好彩今日有個信仰既聚會,堅定左自己,所以以後都唔好隨便miss mass,但後之後冇乜D咩既活動,真係好怕自己又在軟弱.
今晚仲去左佢地個聚餐,本來都唔想去,但諗住去識下人,去下lor,點知自己好多組員都唔去,幸好都有兩位組員陪我,但成個聚餐都冇乜機會同其他人去交流. 我諗之後都未必再會參加D咁既活動,始終唔識人去,真係好唔知點,好難去融入一個固有既圈子,特別自己唔係一個識埋堆既人.
最近又開始灰,一來工作又再停滯,又係每日返去浪費時間,浪費了一年多,仍然看不到前路.
生活方面,又再沉悶起上黎. 其實我好想去睇戲,最近想睇007,但冇左KK呢個飯友戲友,都諗唔到同咩人去睇. KK琴晚又整兩個whatsapp黎,佢應該係做野辛苦,想搵人分享下,亦都有D問候下既說話,我仍然冇覆佢,因為我真係唔知答咩好,我唔想佢再誤會D乜. 坦白講,我完全可以做返之前咁,日日都whatsapp,約佢出黎食飯睇戲,但我唔想再咁做,因為唔想佢諗D乜. 我真係對佢冇野.
而W方面,我相信如果我肯努力,我係可以追到佢,我feel到佢有D意思. 之前講過我睇唔通呢個女仔,我唔知佢係個點樣既人. 可能佢行為或者內心入面係有D問題. 經過今日既talk,我係度諗,如果我真係鍾意佢,我願唔願意花時間去開解佢呢? 因為呢個camp最大既得著係,每個人既行為同諗法,好大程度係受自己童年及過往既生活所影響,所以就算W可能係有問題,都應該係佢成長路上遇到一D野而導致咁樣. 不過我自己都唔知自己有冇咁既能力同耐性去咁做. 可能佢會遇到一個做得比我更好既人. 老實講,做佢果行,咁多男仔,佢又咁cute,咁都冇人追佢,真係冇咩好講,我都應該係一個過客,唔想再引起咁多麻煩,不如做朋友舒舒服服好了.
KK同W都係我近年來難得有既感情機會,但可惜因為唔同既原因,我都決定唔行多一步. 會唔會過左今次之後就唔再有咁既機會呢? 我相信係有可能. 去完camp果陣,我真係好想搵個天主教徒女朋友,亦都祈左幾日禱,但最後自己都決定不如獨身好了. 過左今日呢個event,我覺得要搵天主教徒女朋友都幾難,所需既時間一定會好長. 自己都係一如以往,兩手準備. 提醒自己,積極生活.
Comments
Post a Comment