黑色星期五

今日又見工,其實早於一個幾月前已經收到通知 期間不斷諗請唔請假去,因為之前事假,sick leave就請過,3月亦因為補假限期放左好多假,再請老細實反面

我好想轉工,之前幾個月有無數個時刻令我想掟信,但為左份人工,唔可以衝動 況且,冇野做,無所事事果種感覺,比我而家做無埋D無聊野既感覺恐怖更多,難頂更多 

不過好彩天主安排,見十二點,仲要係公司對面,決定唔請假,因為上星期知今日一定唔可以請,有緊要野做,二來係屋企好悶 一早講話要提早放lunch,呢間公司,其實有樣野幾好,時間真係可以好flexible,如果我係一個只想一心湊仔既師奶,我會好願意留係度做一世 再巧妙地換衫,過去見,政府工

可惜,今朝睇FB有人話係黑色星期五,真係幾黑,呢個interview係我有史以黎表現最差既一個 諗野好混亂,組織唔到,開口夾著利,真係唔知點解. 而且,呢個interview真係好難,一開始問條估佢唔到既問題,之後既問題亦好刁鑽,自己反應亦慢 唉,未見完都知玩完機會好大,出到去都有怪自己,因為成個月,都唔好好準備 

自己有個習慣,唔鍾意背一段野咁去面試,覺得太死版,但我又對自己既臨場應變太有自信. 正如我讀大學,唔肯死記野,因為我覺得最重要融會貫通,我明白呢樣野,就可以用自己既方法表達出黎 好可惜,我既記憶力冇想像中咁好,而且每次考試之前果晚都係通頂,個腦轉得勁慢,考得唔好

有時我都覺得自己太硬頸,希望藉今次既跌倒,自己會好好反省,以後要做足準備 其實我都有諗過,自己同政府工係咪冇乜緣份呢?好似見親都衰. 講真,早前見果兩份,我真係覺得自己表現得唔錯. 唔只係政府,之前見一份NGO,我覺得自己都幾好,但都衰晒. 可能,自己面試要改善.

要走,真係唔容易,不過唔會放棄,事業呢方面,我唔能夠輸.

早兩日去左同事婚宴.本來係去埋觀禮,但老闆冇放人既意慾,其他會去既同事又淨係去食飯,結果都淨係去食飯

入左呢間公司八個月,已經經歷過兩位同事結婚,第一位淨係請我去觀禮,不過都係要做禮金,但唔多

今次呢位同事,之前知佢結婚果陣,已經諗如果佢請我去飲,我一定會去. 因為佢實在幫左我好多,特別我岩岩入去做,真係奶左好多野. 結果佢請我,我一口答應,呢個絕對唔係我既性格.

但當日都有少少後悔,因為原來平日去飲,真係會幾累,我唔介意比人情,但好怕十點先有得食,十二點先有我走,而且擺酒個位十分唔方便

去到差唔多入席,估唔到真係準時入席,準時開波,都係果D播片,講兩句,但都係用左好短時間,之後開始食,係自助餐,實在太好,因為唔駛等上菜

菜式方面,真係令人失望,但我冇乜所謂,我冇諗過比幾多$要食返幾多野,我一心只係黎祝福佢,食咩都冇所謂,最緊要快.

結果9點幾已經食完,10點鐘就得. 同行一位身經百多場婚宴既同事都話從來未試過咁早走. 所以當晚十分滿意安排.

黎緊,其他單身既同事應該唔會結婚住,實在太好. 比人情,原來真係幾大負擔.