睇戲

估都估唔到,今日會去睇戲 約我既係兩份roommate,加J小姐 睇春嬌 對上一次入戲院,應該係2010年暑假,係香港自己去左睇inception 果陣身邊既人話好睇,又冇野做,去左睇早場 之後無論係美國定香港,都冇入過戲院. 係香港,都唔知可以搵邊個一齊去睇. D FD個個拍拖,平時成日都會睇戲. 自己又唔想一個人睇,就成日同自己講,出DVD買返屋企睇最好. 最近幾套政治戲都睇唔到. 諗住一個人去睇鐵娘子,但唔得閒,早幾日放假,新界呢邊已經落左,跟住病埋. 所以足足有一年幾冇入過戲月. 今日呢套戲,一開始冇諗過睇. 一來諗住一定冇人同我睇,到出19蚊隻VCD果陣先買啦. 二來我冇得過第一集,又諗住肯定係D無聊港產片. 但早幾日RM約,時間又岩,一口答應,出黎見下人,吹下水,花一百幾十. 約既時候有D誤會,差D冇去,後尾女RM好人,肯睇晏. 我同J小姐好耐冇見,返左黎香港一次都冇見過,我專登既,因為我唔太鍾意同呢類人相處,同佢亦冇咩野講. 但不能否認,佢係一個有義氣既人. 點知出到黎,打招呼冇應我,其實我都估到D野. 可能之前係FB,佢有留意我同佢之前女友既對話,有誤會. 好彩我真係乜野都冇做過. 唔緊要,橫掂都係佢同女RM行,我同男RM行. 只是男RM不斷晒佢同佢女友既野,我是但應兩句啦. 套戲,真係好好睇,唔婆媽,好真. 我自己真係好鍾意個劇情. 一直,我都追求一段姊弟戀. 可惜,我唔係余文樂,冇一個大個我既女仔會願意死心塌地,亦冇一個年輕索空姐會自動獻身. 有一幕,講到放唔低前度,見返前度後感覺回憶會返黎. 其實,我睇到有D驚. 我相信,如果見返E,E一定唔會對我有任何野. 但係,自己係咪仲有D野放唔低? 可能係. 如果見返E,我會點? 我一直覺得自己係分得清清楚楚既人,就算見返佢,都會係HI完就BYE,冇事發生. 不過,我未曾試過,我真係唔知. 所以,我希望以後都唔會見返E. 有時,我真係想將E從FB上刪去. 但自己又做唔出. 我怕人地覺得我小家. 我又好奇,想知佢近況. 但我已經好耐好耐,冇click入佢FB睇野,只會偶意係newsfeed見到佢post野. 我唔敢click comment,唔想睇到其他賤狗留既廢話. 早幾日,newsfeed出左佢之前影既一張大頭自拍,我見到一個,當年我係FB轉relationship status問候我既男FD,佢同E係張相度亙留comment 果位人兄,最愛溝女. 而佢,同E亦完全唔熟. 我唔想睇佢地講D咩. 但我憎唔憎果份人兄? 講真,當年佢對我好有義氣,我唔打算憎佢.況且,亦冇資格. 其實,我覺得E可能同佢男友已經散左. 不過唔想問,因為唔想見到唔係自己想見到既答案. 係又點,唔係又點? 曾經,我擔心過,佢會係FB post同新男友既相. 我諗,如果之後真係咁,我會決心unfriend. 因為我怕比較. 如果,我同佢既回憶可以永久從我既記憶中刪除,會係幾好既事. 男人,真係好小器,即使已經分開,知道佢同第二個男人一齊,都會頂唔順. 我成日諗,我唔會好似有D男人咁,開始左新感情,仲會係舊情中拖拉. 但對方呢? 如果對方亦係經歷過一段好深既感情,我好怕,我會得到光頭佬既下場. 冇信心.唔敢.唔諗. 可能,我既感情運走到盡頭. 雖然一段新感情能夠令我重新起步,但現實上,我再也看不到感情的機會. 我只想全心,全身投進事業,忙得沒氣力再想感情.