不順 不忿

之前draft 左一篇blog,未寫完已經冇心機寫落去

最近心情都唔太好,又要由上個月月尾講開

話說照常讀summer,上完第三堂,過左兩日,學校先靜雞雞email黎話取消左果班,結果揀唔到第二班上

明明仲有14人,唔明點解取消. 本來都懶得問,點知佢自己打黎,問我Take 唔 take其他班,我順面問佢,佢仲好老實咁講話冇一個數點先會取消,全部由學校決定. 我本身都冇諗過會取消,因為明明我就上過得十二人既班. 結果好嬲,寫左個email比program director,換來既係話會搵佢D同事follow,有消息再通知我,到而家都冇左回事

冇辦法之下,唯有將寫paper計劃提前,但平日冇時間冇精神,weekend又的唔起晒心肝,professor又放假唔覆email,唔上唔落咁,唔知自己想點

五月至六月頭,office都冇咩做,有時返到去直程真係由朝坐到晚,唔知做咩好. D人個個聽到都話好,唔洗做有錢收,但我根本就唔係D咁既人. 我覺得自己個人好冇用,完全冇存在價值,直到月中叫做好D,有返D野做,但又係一陣就做晒. 我真係好憎呢種返工既生活,自己完全係unwanted.

五月file左兩單投訴,一單係上網買野,間公司亂寫中文名,指鹿為馬,我只係想換貨又唔換比我,結果寫左去海關同消委會. 過左成個幾月,海關話唔成立,本來都打定輸數,消委會呢幾日竟然有好消息,最後退返錢. 另一單係私隱專員,本來好快手覆我,雖然結果未算係最好,但到而家都仲未收正式回覆

呢幾件事都令我覺得,係呢個地方,用理性既方法去處理事件越黎越唔work,真係好可悲

六月都唔係好過. 琴日比個下屬發我脾氣,自己太淋,冇辦法,但已有進步,不斷係心裡面同自己講唔好淆

今日又比個professor屈我.事緣上個sem有一班寫paper拎C,緊係唔滿意,寫左個email,講到明只係想知自己錯乜,唔係想拗grade,因為黎緊要寫paper,想改善. 佢好快覆我,講左一堆關於我篇文既內容既問題,我大致上都同意,但佢最後仲有一句,話我citation冇跟指引,我實在唔明,因為我對住guideline黎做,所以Reply佢請佢指出我具體係有咩問題. 我都知佢放暑假,所以我已經即日出email,結果等左三個禮拜,我知再唔follow就唔洗旨意佢會覆,remind佢,結果佢話我只係針對citation呢樣野而忽略佢其他comment,係個mistake,亦話佢冇我份野係手,叫我自己睇返篇文就知錯咩. 即刻燥左,係你唔覆我,我亦多次講到明我唔係要拗分,用左成個lunch去寫返個email澄清. 實在不能接受人老屈, 為人師表,實在係無恥.

好多唔開心野,我都知2018 年時不與我,只係咬實牙關走落去,只想快D完成part time 讀書,比自己思考清楚前路. 唯一值得開心,係呢四五個星期日都keep住跑步,希望可以堅持,同埋快D做好research.