Skip to main content

有錢都唔要

呢篇blog用黎紀錄一下我呢個創舉

話說早幾日一份我wait list左大半年既政府工比offer我,但offer要用mail send,又等左幾日

期間一路諗,走唔走?

走,因為:

  • 我第一次見成一份政府工(to be more accurate, 公務員位既post)
  • 人工高而家5000,每年有人工加同跳point
  • 我遲早都諗住走,呢度亦唔會做得長
  • 我需要錢,錢冇人嫌多,尢其係拍拖,又想買樓


唔走,因為:

  • 我真係熱愛我呢份工作,熱愛呢個工作環境,我既同事
  • 我個project做左成年先開到個頭,我唔甘心,一走就乜都冇,冇經驗冇學到野冇impact冇result
  • 我唔想跣我阿頭(雖然我深知呢個世界冇話冇左邊個唔得,and at the end of the day,佢都係會跣我一劑,i mean 炒我)
  • 別個master我讀左成年,岩岩仲僅僅pass 埋summer科忽野,黎緊搵工好大機會要返shift
  • 個post我的確唔係好有性趣
  • 我知以我既性格,入左去就一世,我覺得自己仲算係後生,可以比多少少時間做的自己鍾意既野

旁人方面,老母同兄弟h叫我走,老豆叫我鍾意就留,估唔到女朋友都同我講,做得自己鍾意既野,真係估佢唔到,有點感動

點解要做呢篇紀錄呢,因為我知到之後我再搵唔到政府post,而又冇得續約,冇野撈之際我實會摷返呢樣野黎講,點解我當時咁on9拒絕etc

但我都要為自己而感到自豪,因為係25歲既時候,我仲敢去追夢,冇為到五斗米去做D唔單止自己唔想做既野,而且仲係對社會harmful

老實講,份人工好吸引,有呢份人工,我可以成日食好野,而唔係每次同女友諗食咩,都要翻越整個openrice,搵D唔出名既小店出黎,i can simply just pick those above $500 restaurants, but is that what i really want? i dun think so.

我而家份糧,夠食夠用,可以出去食D唔太平既野,仲有閒錢捐,我已經覺得幾唔錯,我同自己定立左個計劃,就係每個月捐一單蘋果暖流,上個月已經break 左自己既rule,捐左2單. So i think i am having a good time,同女友周圍去下,去埋D無聊地方,睇下野食下野,係買唔到樓啫

我唔知過多幾年後,我仲係咪咁有骨氣,但我知我做緊D咩,我淨係想做好而家手上既野,make an impact. 上個禮拜爆大獲,隔離team出晒去,我要負責頂佢地d野,好大壓力,因為錯左就好仆街,好彩so far so gd. 雖然頂既只係paper work多,但當見到你做既野被post出黎,你都會有種興奮既感覺,at least 我有份負責,i feel good.

我只係諗,如果呢個offer係出現我第一份工既時候,我會諗都唔諗就accept. It just happened at the wrong time. 但冇今日呢份工,就冇今日既我,就唔會令到我收到呢個offer!

Comments

Post a Comment

Popular posts from this blog

去意已決

2,3月時,照舊一年一度既AO/EO面試活動,坦白講已經起碼第三次見呢兩份工(多到我到唔肯定係第3定第4次) 記得今年考JRE既時候同自己講,玩埋今年,如果今年都唔得既以後就算,唔好再考,一來好攰,二來衰過咁多次,好灰心 2月既時候見AO先,其實今年算係咁多次裡面叫做有D準備,畢竟上年死得太慘,英文嚴重退步,未到一半已經比人踢出黎,今年比自己既目標係至少比上年好 今年好彩,2月時比大老細捉左去馬拉開會,多年冇講英文既我突然有左機會練返 而且見既時候條題目唔算太深,三個考官比上年nice一百倍,表現比上年好,雖然都係入唔到第二圈,但至少對得住自己 記得以往多數都係見EO先見AO,今年咁岩調轉,經我咁多年既經歷,見先果個係唔抵,因為多數因為太耐冇見工而表現未如理想,見後既就因而有個機會train up 返 到見EO時,其實都真係完全冇抱任何希望,因為我太清楚佢點見,亦諗唔明究竟佢想你答咩 臨考前終於google 下d 人對於EO interview既分享,大家都不約而同講情境題係最難但亦係最致命既一環,不過就算知都冇用,因為基本上冇得prep 今年去見,見頭圍,8點8要上到去,等左差不多9個字,入到房,三個人都好nice,我諗係有史以黎最nice,我亦都有信心左,答問題無論中英文都好順,而且佢D問題我諗我比佢仲要熟識 今次見完,自己都確實幾滿意,可能真係做左4年野,個人終於都叫成熟左 結果,放完復活節長假後,收到EO 既Vetting form,估唔到真係收到。問個做公務員既同學,佢話都好大機會,網上既人亦都係咁講 收到既時候,當然係開心,因為今次真係好接近,咁多年,終於有機會pay off 但同時,亦都有D嘆息,因為表示我要離開呢間公司,一個咁開心既地方,同事咁好既地方 我明白,人係要長大,不能成世處於溫室 政府工人工比我而家高,每年亦會升pt,前景算係比較明朗 錢當然係我考慮既一個大部份,因為而家要自己比晒學費,2-3月時,又去旅行,女友又生日,又要交學費,真係乾到冇朋友,咁多年黎,第一次試過自己咁冇錢,卡數要去到最尾先敢交 但同時,我亦有好多考慮。第一,自己今年年尾就27歲,係咁仲可以咁樣做落去,拎住個咁低既人工? 第二,由未畢業到而家,我都係係呢一行,試過去見其他行,人地一睇我就知我唔岩,我亦都...
Post a Comment
Read more

開玩笑

這個玩笑開得真大 ........ Interview是3月尾的事，收到form是4 月頭， 交表是4 月中， 佢話會係5 月中下旬通知 結果是等了一星期又一星期，失望完又再比希望自己，然後是更失望 自從發現forum有人講， 每日都忍唔住上去睇，見到係地有消息自己更加擔心 呢兩日都有4 月尾in 5 月交表既人收到offer, 更加絕望 因為...
Post a Comment
Read more

Last Day Again

之前一路等以為空歡喜,原來更大既玩笑係: 要你等足兩個月 上個月12號終於收到封信,正式有offer 黎offer既時候正係出差,一時間手忙腳亂,即刻要辭職,以免要賠多D糧 時間緊迫,加上返黎要準備考final,根本冇太多時間留係office 最後呢段日子,其實冇幾多日係office,就連Farewell 都搞唔到幾場 由我4月收審查到而家,其實我一路都好唔捨得呢度既同事 我完完全全知道,出到去,肯定唔會再遇到咁好既同事 呢度既環境,係一班心地好好既人一齊工作,所以處身係度係好舒服 去到後期,每次返工,頭半個鐘都係去左同人吹水 對普通人黎講,可能冇乜大不了,但對一個唔多講野既人黎講,我係呢度講既野真係多過我一生人講既野 係呢度,連我呢D唔講野既人閒閒地都可以搵到人吹下水,一班人總係開開心心,會議室傳得最多就係笑聲 以前份工,返10點,我都會唔知醒起身. 係呢度,除左試過一次瞓過龍之外,我都未試過遲到,無論係返9點定9點半,好多時仲會早好多返去,而且次次都係自己醒,唔洗人叫 因為我好期待返工,係呢度返工係一件開心既事,可以同人傾計講笑,咁又一日 上一份工做左年半,對於我就係度日如年,係呢度,做左2年2個月,我都覺得時間過得好快 其實一開始我都怕自己會捱唔住,頂唔順,始終未返過大陸山區,但去多幾次,其實都幾鍾意返,因為D人真係好純樸,好友善 亦都真係好好彩,我兩年黎出trip都未試過係山區急屎,我都已經諗定如何在野外屙屎,但好好運,我唔需要嘗試 仲要每次去我都食好多野,但都未試過當場奶野,對於我呢D垃圾腸胃既人黎講,簡直係天方夜譚 一切都要感謝主,去山區有一定危險性,但每次我都安然回家。 亦都要感恩. 老實講,我一畢業就希望做一份穩穩定定既工,就好似黎緊呢份咁. 但天主巧妙既安排,使我可以趁住年輕任性一下,體驗唔同既野. 呢兩年既經歷,又係有錢都買唔到. 到而家,真係有點攰了. 本身半工讀一定係攰,我仲要顧埋出差,諗返轉頭我真係唔知自己點manage (雖然個個sem都係諗考幾日先學返晒D野) 去到咁上下年紀,錢亦變得重要,而始終好多制度上既問題,都令我開始失去當日既熱情同衝勁,既然係咁,不如退位讓賢,自己亦有機會諗下之後既路係點行 呢兩年發生既野,實在係太美好,有D自己都不能相信. 但...
Post a Comment
Read more