洛奧民 三0再度出發

足足5個月冇update個blog,極度唔得閒,遲下再寫 今日小弟26歲生日,本來都很不錯,直至晚上的晚餐,我真的很無奈 女友揀的餐廳很不濟,book左8點,但因為之前被包場,真正入座已經係8點半 坐低order,等左好耐連杯啤酒都冇,原來侍應連單都冇落 有酒飲,有頭盤,主菜十年都未上,旁邊坐晒D MK人仕,係一間所謂裝修得有特色既西餐廳內大聲傾計+瘋狂爆粗(黑社會用語) 等到9點半都未有主菜,我唔好面口,女友亦忟,鬧完侍應,自己係度喊 此刻我非常無奈,因為我唔知佢喊乜,要喊果個都應該係我 之前間餐廳所有既不善,都可以算,但佢一喊,成個氣氛玩完,我真係再冇心機落去,只想食完快D走 同時間,我想起我N年前,果陣仲同第一個女友一齊,佢亦做出同樣既行為,因為佢偷睇我ICQ,知我同同班一個女同學傾計,果晚同屋企人一齊去九龍城打邊爐,佢西足全晚面,又自己係度飲泣 到食完飯返去講電話,佢唔覺得自己做錯,仲認為我有家人陪我過已經好好(佢係單親的),完全O咀 估唔到今年又再經歷一次,我覺得自己真係好撚黑仔 好老實,我真係冇乜要求,生日出去行下,唔洗特別做D咩,食野亦都唔係要食D咩, 我只想簡簡單單,普普通通食餐飯(我都唔敢講開開心心),只要比平時食飯less fucked up我已經非常滿足 但係原來都好難做到. 所以今晚起,我同自己講,以為都係唔好慶祝生日好了, 本身我對生日都真係冇咩特別感覺,我只記得,未同而家女友之前,單身左幾年,係美國時,食超市勁多Cream蛋糕,同兩個FD去睇museum同食outback,返黎香港,同屋企人食德國啤酒屋,同兄弟係屋企血戰幾十場fifa再落街食cheap雞西餐,唔係好特別,但起碼唔會唔開心. 人生有好多時間都會唔開心,但我只有一個好卑微既願望,就係果日唔好咁唔開心就得了. 好多年前,我表姐係我生日正日結婚,果日要去飲,亦冇人知係我生日,我已經知道呢一日對於我實在唔重要. 直到今日,我既願望都係好簡單,只要簡簡單單靜靜地過左佢就好了.

呢篇blog用黎紀錄一下我呢個創舉 話說早幾日一份我wait list左大半年既政府工比offer我,但offer要用mail send,又等左幾日 期間一路諗,走唔走? 走,因為: 我第一次見成一份政府工(to be more accurate, 公務員位既post) 人工高而家5000,每年有人工加同跳point 我遲早都諗住走,呢度亦唔會做得長 我需要錢,錢冇人嫌多,尢其係拍拖,又想買樓 唔走,因為: 我真係熱愛我呢份工作,熱愛呢個工作環境,我既同事 我個project做左成年先開到個頭,我唔甘心,一走就乜都冇,冇經驗冇學到野冇impact冇result 我唔想跣我阿頭(雖然我深知呢個世界冇話冇左邊個唔得,and at the end of the day,佢都係會跣我一劑,i mean 炒我) 別個master我讀左成年,岩岩仲僅僅pass 埋summer科忽野,黎緊搵工好大機會要返shift 個post我的確唔係好有性趣 我知以我既性格,入左去就一世,我覺得自己仲算係後生,可以比多少少時間做的自己鍾意既野 旁人方面,老母同兄弟h叫我走,老豆叫我鍾意就留,估唔到女朋友都同我講,做得自己鍾意既野,真係估佢唔到,有點感動 點解要做呢篇紀錄呢,因為我知到之後我再搵唔到政府post,而又冇得續約,冇野撈之際我實會摷返呢樣野黎講,點解我當時咁on9拒絕etc 但我都要為自己而感到自豪,因為係25歲既時候,我仲敢去追夢,冇為到五斗米去做D唔單止自己唔想做既野,而且仲係對社會harmful 老實講,份人工好吸引,有呢份人工,我可以成日食好野,而唔係每次同女友諗食咩,都要翻越整個openrice,搵D唔出名既小店出黎,i can simply just pick those above $500 restaurants, but is that what i really want? i dun think so. 我而家份糧,夠食夠用,可以出去食D唔太平既野,仲有閒錢捐,我已經覺得幾唔錯,我同自己定立左個計劃,就係每個月捐一單蘋果暖流,上個月已經break 左自己既rule,捐左2單. So i think i am having a good time,同女友周圍去下,去埋D無聊地方,睇下野食下野,係...

岩岩submit完summer course既paper,終於可以享受下暑假 好耐冇返黎呢個blog, 冇辦法,過去一年半工讀,我連自己既生活都冇埋,真係冇時間可以比自己靜靜地寫野 放假唔係要溫書,就真係要抖下預備下個term anyway,值得高興既係,過左一年,我仲讀緊,d grade仲唔差,thank god. 從第一個sem,我已經想drop out,結果我捱到成年,證明我都唔係咁唔捱得 本來今日交完paper應該好開心,鬆晒,因為至少黎緊兩個月我都唔洗諗讀書d野,但心情仍然係爛 冇辦法,呢排實在太多野煩. 第一樣係我屋企,老豆老母冷戰1個多月,係屋企見住佢地好辛苦. 為既都係無謂野. 其實我都好灰心,當地我出去讀書,都係想避開屋企呢D野. 點知返黎3年,年年都會整一鑊,佢地攰,我都好攰,why cant they just get along? 香港呢塊福地,樓越黎越貴,想搬走真係唔洗諗,我真係諗過不如一走了知,去new zealand working holiday....但年少多好,我老了,經歷過幾年漂洋過海既生活,實在冇咁大既motivation. 工作方面,之前都有d氣餒,因為都唔知點,究竟批唔批到? 黎左年幾,個project仲未郁得,但大家都覺得好正常. d野做左咁耐,但都冇制度的. 但同事好,阿頭對我好,人工唔高,但算不錯,而且經過半工讀既一年,我發覺份工都好配合到我讀書,更加唔敢亂咁走. 最近一篇報導話,有90後不滿老闆唔笑而辭職. 老實講,呢D濕鳩新聞睇得太多,老闆唔笑係好正常. 就算行得正企得正,做好本份,都唔代表你會有運行. 正如我老闆,絕對ignore 我. 某程度上係小弟既問題,我只係一個小人物,ignore 我唔緊要,但做得咁明顯,明明我做緊既野都唔會loop埋我,當我唔緊事的,一次冇所謂,但接二連三,講真都有D心灰已冷. 但又同自己講,老細對我點,其實冇乜關係,因為我又唔會同佢做野,而且做左一年幾,我深知以我既性格,係呢間野都絕對冇運行,唔洗諗上位,所以做好自己本份算了,希望完成埋個project再諗下點la, so far我都鍾意我做既野既. 感情,問題冇乜,只係我仍然覺得,同女友出街食飯,都好似冇咩講,已經拍左年半,都係咁我覺得好weird,同埋有時,我覺得大家溝通只係好片面,我...

返左黎就快3 年 日日返工放工，而家仲讀埋書， 拍拖睇戲食飯，人容易病 開始都忘記過去係外國既生活 越黎越似返個香港人，都認命 其實都唔係幾想讀書，但個個都有master, 唔讀之後唔夠人片 之前想去d 特別既地方旅行，拍拖後都冇點諗 樓貴到痴線，但都冇辦法，係呢個地方，做人係冇...

每年一月,都會寫下上一年既回顧,今年亦唔例外 13年其實對我黎講係幾唔錯既一年,相比起近呢3-4年,13年算係過得最好了 今年個人充實左,冇咁悶,一來係拍拖,二來係轉左新工,三係返學 拍拖令我既生活變返有色彩,呢一年同女友去左好多唔同地方,有D好想去既地方,OR 係Openrice 睇左好耐既餐廳,我都終於試左 亦令我電話既WHATSAPP變得好有用 工作方面,年頭一如以往超HEA,但又走唔甩. 4月有個大EVENT要搞 但其實二月果陣已經有兩份工IN我. 當3月同女友一齊去DISNEYLAND慶生日既時候,突然收到電話,請左我,人工仲多左幾千蚊 奇妙既野就此發生,等左咁耐,終於可以轉到工! 終於唔洗再浪費時間. 但都要搞埋個EVENT先走,真係好諷刺,臨離開既時間,居然係我做左年半以黎最多野做最繁忙既時間 雖然我想早走唔做個EVENT,因為實在唔想再對住個阿頭,但老細唔肯,最終我有留低做,仲全力去做,連總部既人都讚我. 講緊係我做完EVENT之後果日就LAST DAY,但我絕無HEA底. LAST DAY同事都有FAREWELL 我,我SUGGEST左一間公司附近既頹酒樓,之前成日去食,以後都應該冇乜機會. 食完去買我好想買好耐既散水餅,揀左聖安娜 最後一日都係要OT,因為太多野要做. 離開呢間公司,我一D唔捨得都冇.但都要感恩,始終當年佢地見我冇經驗都請我,亦算肯比機會我,只係佢地本身可以提供既機會都有限. 我唔捨得反而係上環,附近實在太方便,太多野食. 抖左一星期,先返新工. 我發覺得做左呢間公司咁耐,冇點放過長假,除左2月同屋企人去泰國之外. 因為想儲起D假,到走既時候可以快D走. 所以呢個星期真係要抖抖. 搞銀行,買衫返工. 4月29日,正式返新工,同事同老細都幾NICE,但差唔多全部都係女. 我到返工果日先知道我負責D咩. 之後因為D情序既問題,足足坐左兩個月先有野做.果兩個月我問自己,唔係咁黑MA? 好彩過左兩個月,開始有野做,有得出TRIP,平均每個月都要出一次. 呢份工做得開心,因為同事好好,做野既自由度幾高,唯一係唔太穩陣,每年逐一次CONTRACT,同埋冇乜機會升職加人工 同女友方面,3月第一次同佢父母飲茶,還可以的,但同佢屋企人食飯,完全冇人理會,到而家叫做好D,之前會唔開心,而...