洛奧民 三0再度出發

自從返學之前寫過一次BLOG後,都冇再寫過了 呢幾個月真係痴左線,又返工又返學,仲要每個月出一次TRIP D時間完全唔知點分配,又要就出TRIP,但又唔想走堂 結果成個SEM真正只走左一堂,都算係咁 一開始講真真係有諗過唔讀,放棄,因為真係好攰,上堂有時上到9點8,9,返到黎差唔多十一點 本來都淨係食包,但之後都頂唔順去食飯. 但金鐘真係冇野食,返左黎咁耐都冇寫大快活,呢幾個月都唔知食左幾多次,又難食,又貴,又冇野食 過左開頭都算好D,但就成日覺得自己讀唔掂,因為都聽唔明D野,D書比以前難睇,而且兩年冇讀書真係差好多 當然我放既時間都好少,平時真係冇乜點溫,因為放工返黎都攰,星期六陪女友,淨係得星期日溫書 呢幾個月真係冇左自己既時間同生活 上星期一同五考FINAL,請左好多日假,一開始溫第一科真係放左好多時間,將13個星期既野學返一次 但第二個就DUR皮,溫得少,亦唔知點溫 琴日又係朝早監考,下午考JRE,真係攰到嘔 呢D生活終於過左,可以抖抖氣,今日瞓左好耐,下午終於可以落樓下買下野,食個雞蛋仔,終於有返自己既生活 下星期要OT追返D野,又要出TRIP,趁聖誕要抖抖 經過呢個SEM,我相信自己應該HANDLE到半工讀既,咬緊牙關LA

真係好耐好耐冇寫blog, 之前真係好多野做，每晚都ot, 又要出trip 岩岩同女友去左5 日曼谷，講左話去旅行好耐，最後就到呢個時間，皆因我倆都要準備開學 今次旅行好開心，好順利，好relax.  冇點買衫，但食左好多野，做左三次massage, 曼谷真係一個好舒服既地方 今次呢個旅程好重要，因為雖然返左...

今晚很激動，因為睇左A-Lin 既演唱會 食演唱會中，我完全忘我咁跟住唱，除左一首合唱歌之外，每一首我都識唱 係演唱會中先諗返起，原來我第一次聽A lin 既歌只係三年前既事 我好記得當年最後一次返美國，果程14個鐘既飛機，睇到冇野好睇，所以聽下飛機電視有既歌，之前聽過a lin 呢個人...

好耐冇寫,可能因為做左新工差唔多兩個月,其實個人都冇乜負面野 岩岩仲出左5日trip返黎. 有得出去固然醒神,見識得多,亦體會到份工其實真係難做 但難做得黎,係有意義既 so far我鍾意呢份工,講出黎自己都feel proud of, office既氣氛亦好好,除左D姐姐幾好人外,我更加欣賞公司既文化 好鼓勵大家互相交流,討論,真係為件事而想去做好,大家有共同既目標 不過可能真係上一份工懶慣,個人仲係好唔主動,唔肯去記野 我真係要醒了,找回自我,急起直追 要有返份信心,人地做到既野,我都可以做到

新工開始左兩星期,到而家先有時間有心情停落黎寫下blog 工作方面,好感謝主,呢份工,機構幾好,同事亦好到令我唔敢相信,只係男仔太少,我仲未完全埋到堆 地點比之前唔方便,返工早左好多,放工要好耐先返到屋企,但anyway,只要份工有意義,呢D野我一D都唔介意 暫時都仲係學緊野,但同事同阿頭都好好,比時間比機會我,特別我個supervisor 真係好nice,可能對上果個實在太恐怖了 但開始呢兩星期,實在唔太順利. 上星期日突然右邊小掩痛,仲以為盲腸,入醫院check話可能腎炎,但要等一日先可以check 結果果日瞓足成日,同女友一早約定睇演唱會去唔到,但第二日睇專科又掃唔到D咩 所以第二個星期就請左半日假,而且身體好似唔係幾好咁,總係形住形住有D野 返到黎身體係差左,但都估唔到咁大獲野,我既diet已經好過好多人,但自從上星期我都已經唔敢點食D咩,酒都介埋 個人成日都好攰,但好彩仲行得走得食得瞓得 黎緊仲要出trip,真係想養好自己個身體 呢排女友考試,Weekend冇野做,睇下dvd 今日睇左選戰風雲,我覺得好好睇,我係度諗,其實入面講既狗招我都識,我都讀過 如果真係留係美國,我諗我會用得著,但對呢個世界,唔會有貢獻 而家份工,唔可以話係好偉大,但至少,I can see myself making an impact 不過自己好快懶散左,係度睇報紙,真係要專心D,難得入到間好既機構,有好既老闆睇得起我,唔可以衰比人睇

4月22日,2013年,我終於告別了舊公司了 告別前一星期,為了兩個event,busy得瘋了,人燥了,又怕做不好,始終自己沒有經驗 幸好最後都順利完成,美國的同事也大讚 其實主要也是阿頭做得多,我做的都是濕碎野. 雖然做既期間我多次燥佢底,但過了都忘了 到last day,全日都很多野做,要趕緊報數,取回錢,和收拾,結果最後一天也要OT半小時,還以為可以瀟灑地走 所以到最後的時間,我都沒有時間去想離開的事,只想快點完成手上的工作去放假 一直都很想走,想了年半,即使最後那兩個event,我學到了很多,看到了很多,也沒有動搖我要走的心 因為我知道過了event,又會是坐在office閒著沒事幹的日子 但反而是臨走的日子,讓我好好地感恩一下,以往對公司簡直只有怨恨,但最後的日子,我也要多謝這一年半的工作經驗,所見所聞 做了年半,真的沒有好好放大假,這次有四天讓我體驗做個無業遊民 不知是否女友的影響,我這四天也有出街 第一天去了找女友lunch,然後獨自回來,走了轉屯門公園,看一些想看的東西,都估到報紙是吹水多,然後回家hea,最後的起心肝去影證件相 第二天日間閒在家中,下午跟中學的brother去了按摩,很正很舒服,然後去吃德國菜,很他媽的貴 第三天的起心肝去開個新的戶口,然後回家整理一下,再接女友放工,再去按腳和吃飯,然後行街 第四天去了shopping,狂買衫褲鞋襪,為了返工做準備,最後回銀行比人哄 假期就這樣沒了

今晚同女友全家食飯，其實我真係麻麻地願意，但又冇得唔去 去到，hi 晒所有人都知奶野，除左佢阿哥女友有反應之外，其他人都冇乜理過我既存在 坐得，比d 野佢家姐，佢家姐冇乜反應，但成晚都好嘈，又冇乜禮貌，又鬧呢樣鬧果樣，最怕這種人 坐左成晚，whatsapp同d 兄弟訴下苦，得閒同...

好耐冇寫野了，都係掛住拍拖 呢排真係忙，為左個program既event 備受壓力。 上星期三女友生日，去左迪迪尼。 迪迪尼好強調奇妙呢樣野，而我一直都dun give a shit. 最近見工方面有好既進展，一份有2nd in,  另一份拒絕左佢第一次都肯再約返我見 點知就係係迪迪尼玩到咁上下既時候，就收到其中一份既電...

呢排多返d 野做，有勁多電話要打 其實我由細到大都好憎打電話，以前打去同學屋企都淆 幸好呢個世代手提電話拯救了我，加埋email 簡直perfect Email 係美國仲行得通，但L.A. 份工改變左我，因為冇得揀， 一定要打電話，仲要不斷咁打，打去d 極度陌生既number,  講d 好高難度既野 其實我淆，主要都係怕比人鬧，唔知點解，我又好怕比人拒絕 所以每次我都會好緊張 做完果份工之後我以為自己已經唔再怕 但原來都唔係，一來而家好多時要講普通話，二來sell 既野係冇可能sell 到既， 三來好多時都唔知揾邊個， d人又完全唔helpful 我覺得自己好冇用,咁都淆,但今日諗,係冇錯,我係淆,但我從來冇放棄,我迫自己硬住頭皮要打 之前無論讀書幾淆幾唔識都好,我都唔會放棄,唔會唔讀,唔會唔上堂唔考試,唔會逃避 所以點都好,都要做好手上既野 上星期去左一份大專院校既工舉行既筆試,佢用email通知,仲要極短時間內要覆同請假,幸好最後都請到. 星期一佢Send email黎話今日會有通知pass唔pass,pass就會約聽日同後日interview.我從來都未見過咁仆街既HR,今日打黎,態度好差,仲要話冇得揀時間,只有星期五. 我同佢講,咁我唔得la.  係我好想轉工,但咁唔識尊重人既工,我冇野好講. 冇可能次次都咁樣,要人點就點,人地要返工的.

最近我發覺得正係度走返上年條舊路 上年既年路,正係我以為一切都好順既時候 好多工見,見親感覺都唔錯,但最後一份都唔請 今年同上年差唔多,但有左上年既經驗,我當然唔會沾沾自喜 但到頭來,都係一樣,見左好多份都冇聲冇氣 有一份特別唔抵,係個外國人見我,傾左幾耐,我亦都feel到佢係滿意我 而佢直程話當日下午就會email我,話我知有冇得2nd in 但當晚收到佢email,話要見多幾個,下星期頭先會有結果 等到今日都冇,我都知佢想講D咩,又冇行 不過過多兩日,我都會Send返封email比佢,都要識做 琴日去左何文田做筆試,真係搞笑,堅係淨係做筆試,仲要係6點鐘開始,但都十幾條友去 仲要係已經shortlisted左,而家真係咩市道? 想做政府工,今年直程全軍覆沒,不斷咁寄出,一D回音都冇,工都冇得比你見 兄弟同我講話睇左D風水佬講,我既生肖加寒命人今年會好運,容易轉工 作為教徒我不嬲都唔信呢D野,但冇人想一直行衰運,一直黑落去,搵工足足搵左成年,都仲係得個桔 最慘係次次見完都死 等,唯有係等,呢樣野,唔到我冇耐性,我真的不知道個天想我點 今日book左主題樂園自助餐,為女友慶生,因為女友生日想去果度 咁岩假期前夕,貴D,再加埋蛋糕,原來要整個卡通公仔shape都要加錢,淨係餐飯都好貴 加埋入場,同我之前已經買既禮物,我都廢是用計數機 冇辦法,自己選擇拍拖,最緊要女友開心 就係因為咁,我先可以同自己講,小心D做野,唔好比人炒,亦都唔會衝動掟份工,如果唔係冇錢找數

今日突然間搵返之前同前女友E既FB message record 唔係我掛住佢,我對佢已經完全冇感覺 只係我好怕今次拍拖又會行返以前條路,我唔想再錯 同女友唔經唔覺都一齊左三個月 我仲係咁愛佢,只係說話態度變左少少,我知我要注意下 呢個女友真係好好,唔會煩我,又冇乜要求 之前令我擔心既野都冇出現 我好快咁就認定係佢,但我只係對自己既前途冇信心 點都好,將來既野,交比天主,而家唯有做好自己 今個月女友生日,我已經諗好食D咩,因為女友已經提出要去既地方 我連假都放埋,希望可以同佢開開心心咁過 我要記住,做好男朋友本份

琴日見女友父母,見之前嚇到痴線,寒冰掌 我不斷安慰自己,驚乜野,佢地鍾唔鍾意你都控制唔到gala. 諗咁長遠做咩ar. 但都係冇乜用,都係淆底. 成程其實冇咩特別既.佢阿爸好多野講,但多數都係佢講. 佢阿媽冇咩講,但講親都係認叻. 好難怪,女友D家姐阿哥無論學業上定事業上都好叻,所以唔出奇. 我相信佢老豆真心希望我可以幫到佢移民美國,但佢太高估我. 到比錢時,佢阿媽有話佢比,但冇行動,當然我立即禁止,一定係我比. 到比完一陣,佢媽媽都有講多謝,真係算係咁. 總括黎講,個過程還okay的,但我感覺到佢父母並不是十分鍾意我,大家只淪為得閒飲茶既級別. 坦白講,已經算好,以我今時今日既身世,唔反枱實在係感恩. 順利飲完餐茶都算係咁. 自己父母由細到大灌輸,出面既人冇必要要對你好,只有自己人先會對你好. 呢幾年見親既人,特別係上左年紀既人,都對我好好. 但返到香港黑過墨汁,已經再冇呢支歌仔唱. 眼見D表姐夫成世被睇死都係咁過日子,只係自己自尊心較強. 點都好,女朋友係自己揀,但女朋友既屋企人我係冇得揀. 食得咸魚抵得渴 我有點懷念以前女朋友個阿爸,坦白講同佢食過一次飯,佢阿爸真係okay,但果陣仲讀緊書,我仲滿懷大志,點都易D過關 而家露晒底,呃唔到人. 我又好jealous我個好兄弟. 就算離過婚,生過仔,細過自己個女朋友,搵得少過自己女朋友都好,佢女朋友個阿媽同屋企都仲好接受佢 佢成家都一世好運,同人唔同命,唔恨得咁多 呢方面又唔係真係太唔開心,因為好多人都fucked up, 華人社會係咁gala,特別係香港,人人都係用錢去衡量,我女朋友唔係來自大富之家已經好好彩 我好愛女友,佢真係好好,琴日同佢出左成日街,夜晚佢唔比我送佢返去,但我死都要送 結果又要趕尾班巴士,仲要冇位坐企成程. 但全程我都係開心既,我樂意咁做. 我好想同佢有將來,但今時今日咁樣,我都唔知將來可以offer到d咩比佢. 好啦,琴日既飲茶,我當然希望可以飲完大家攬頭攬頸,但事件永遠唔會咁易發生,特別係我身上, 為左女友,都要頂下gala

聽日就要見女朋友阿媽阿爸 我好鍾意一套港產青春片,叫初戀無限touch, 有一句對白係話: 喂,有人自殺ar,冇錢學人溝女仲唔係自殺 我呢D失敗青年真係冇面見人父母,其實真係同自殺冇乜分別 但既然係咪都要死一次,咁就不如快D,唔好拖,痛痛快快 橫掂今日係香港,都真係冇咩希望 呢幾日收晒政府工D reject letter,真係唏噓,同政府工真係冇乜緣 難果兩份都預左 但最想做果份真係冇野好講,我真係好想做,睇左好多關於份工既野 多得D人力資源crap,發明AT呢樣野,乜工都用AT 結果咁就比人foul出局 anyway,自己渣,又要玩,怪得邊個 既然玩得,就要尊重遊戲規則 Good luck tomorrow

食開有條路 之前果篇entry發洩晒所有野出黎,我知仍然係要等 既然係要等,自己就要積極,唔理有冇野做,總之手頭上有既野就做晒先,冇野做先再"咬"d野黎做 總之做好自己先,唔好理咁多. 點知今日一返黎就多野做,黎緊好多野要搞,都係D麻煩野. 琴晚應承女友黎緊星期六同佢媽媽飲茶. 因為我大佢,想佢係FB公開. 其實呢個都唔係最主要既原因,我見大家到時都拍左三個月,佢阿媽又講過幾次,避唔到幾多次 避主要因為我而家既situation太fucked up,就算佢阿媽睇唔起我都係正常 換個角度諗,如果我見緊我個女既男朋友,我都可能會咁樣諗 同埋我發覺做左呢份工之後一切都好唔順利,所以我真係唔想今次見仍阿媽會好順利咁搞掂. No, not gonna happen! 我份人有時覺得,死就死,心口有個死字,橫死掂死,早D搞掂好過 所以我已經為最壞作出打算,如果佢媽媽真係唔鍾意我既,就得閒飲茶,大家有計傾既,咪第時食飯 我愛我女朋友,我想佢開心,佢肯見我家人,我好開心,我都知佢都好想我見,所以唔可以諗自己 唔知點解,我覺得佢媽媽會唔鍾意我,anyway,prepare for the worst 呢兩年都咁fucked up,何不更fucked up

很久沒update,我知道. 原因是新年假期與家人去左5日旅行,返黎病足5日. 今年呢個年過得麻麻,雖然年廿九同女友去左維園迫,佢年初一同初三都入左黎陪我, 但阿爸阿媽面左左,左到去旅行,結果係旅程第二晚爆發,幸好搞得返掂,如果唔係仲有排煩 講真,對呢個年,我都唔敢諗太多,我只係好想今年過得順順利利,上年實在太黑仔,事事碰壁 不過睇黎今年都唔會易過,過年前見既工,睇慢又全軍覆沒,send左超過十封,最後又得個桔 早幾日去公司附近一間家庭用品店買信封,貪佢夠平,先發配原來1pack20個,我都起碼用左2,3pack, 即係上年寄左40幾50封信,全部都收檔. 雖然以全年黎計,加上現今既經濟環境,其實真係唔算多,但都足以令人灰心 我都真係諗極都諗唔明,面試我做盡可以做既野,只係差冇跪係度喊 兩文三語我自問都已經唔錯,係間叫做有名既U畢業,有一年多既工作經驗,去過外國唔同既地方 And you are telling me i can't even get a fucking entry job here in Hong Kong 係香港真係令我好灰心,根本搞咩都冇希望,連想搵份基本既工都有十萬九千幾人同你爭, 請人果個就可以順理成章搵個三頭六臂,但又可以頂爛市既人黎做. 唉,所以過唔過年,我都唔夠有太大希望. 面對咁既情況,我只有無奈. 早幾日我同自己講,如果今年九月,我都仲係留係呢間公司,冇野做,走唔甩,我諗我會同女朋友分手 我真係唔想累左佢,如果搞左成兩年都仲係咁,真係唔好跟我呢條廢柴,唔係只會一世要你捱 唔想再浪費佢既青春,我亦都可以晒冷,辭埋份爛鬼工,再諗下之後點,四處趁盪,點都好 我都唔敢再set個time limit比自己,因為永遠都會pass個limit,我唔夠再諗幾時一定要走,因為一定走唔到 為左呢樣野,我祈禱祈左好耐,亦都不斷咁同天主講,但我完全覺得呢一part完全上唔到佢到,究竟點解會咁? 我唔係要想去偷,唔係要想去搶,唔係要份唔洗做但又有好多錢既工,我只係想要一份充實既工,等我唔洗廿幾歲人要咁樣渡日如年je? 我做錯左D咩? 連報讀書,都好似收收地皮,人地個個一報就有得讀,如果我收皮都唔知點算,都唔知講咩好,總之,我覺得自己走唔出呢個黑洞

又係好耐冇update,拍左拖,一個人夜晚靜靜地既時間都少左,因為每晚都會傾電話 琴日同女友慶祝左情人節同兩週年紀念,因為黎緊要去泰國旅行 最近屋企又發生左唔開心既事,父母鬧交,今次得我一個面對阿媽爆發 果兩日情緒好困擾,好唔開心,但今年好彩有女朋友陪伴 而家,件事未解決,但睇黎大家既生活方式都開始順應住 講返同女朋友,我送左紮花比佢,因為我諗唔到送咩,亦都知佢好鍾意,我好想佢開心 呢次係我第一次送花比女仔,我連阿媽都未送過 以前我同自己講,我一定唔會咁做,因為係街拎住紮花好樣衰 但唔知點解,為左女友,我真係冇諗呢樣,亦都唔介意呢樣 以前我亦都有諗過,D花咁唔抵,不如食左佢算. 但見到佢咁開心,仲開心左好耐,我就知道,兩樣野根本唔可以比較 琴日同佢去左好多地方,我搭左好多巴士,又去左食魚旦粉,去左赤柱,再返做野既地方食意大利野,最後去我最愛既海傍 呢兩個月,同女友都去左唔少地方,之前又去左山頂,同埋同roommate佢地去左行山 我發覺,原來香港有好多野我都唔知,有好多地方我都未去過 我以前會諗,自己係個宅男,同個鍾意四圍去既女仔一齊,死硬 但其實,以前自己比藉口自己,我係一個鍾意四圍睇野既人, 雖然每次都擔心個腸胃問題,但so far都還ok,呢一部份,只好見步行步 我好鍾意女友,好愛佢,好享受同佢一齊. 有D咩唔舒服唔開心,見到佢就冇事 雖然係,佢唔係幾識講野,又有點兒唔係咁識做,但我都唔計較,亦都唔重要,因為我愛佢 我真係好希望可以一路同女友一齊,同女友有將來.

乾係指我既銀包 拍左拖後,洗費大左,其實自己呢排都買多左衫 但上年冬天都冇乜點換季,今年只係買返上年要買既 同左女友一齊,我洗每一分每一毫都諗過度過,which is a good thing, 之前單身寡佬,有時都洗得幾豪 其實自己唔係冇錢既,只係咁多年黎,我都係習慣省錢 最近好多錢要港,黎緊要同屋企人去旅行,D旅費我都仲未出 之後要慶祝情人節,下個月女友生日 我已經冇乜點再買野比自己,好耐都冇買個CD,頭髮如果唔係好樣衰我都希望可以唔剪 約fd出街都盡量少,同女友出街都要諗下食D咩平野 但坦白講,我冇因此而唔開心,只係怪自己冇用,搵唔到錢 今日既執紙先講,而家既畢業生,做足幾年,都搵唔到錢 我完全見到我自己. 其實,我真係有D後悔拍拖,唔係因為女朋友唔好,女友好好,好開心可以同佢一齊, 但只怪我自己真係冇錢拍拖. 就算而家勉強可以負擔,我都唔敢諗將來. 你問我想唔想結婚,我真係唔敢答,邊有可能買到樓? 點樣先儲到錢結婚? 我真係唔想害左個女仔,跟我幾年,我都比唔到D咩佢. 對未來,我都唔知可以點有希望...... 琴晚唔知咩事兩老唔講野,早一日先出完街,為左D咩,我真係唔知,亦唔想知 我淨係知好白痴,上年岩岩呢個時候好返,估唔到未夠一年又黎 有咩可以搞,我老豆又扮唔知,又係度等個炸彈爆 對婚姻,我唔知講咩好

同左女朋友一齊之後,都少左打blog,因為每晚都傾電話 而家一個星期見得兩次,見完一次,過五日先再見,之後再過兩日,其實好痛苦 感情方面,我覺得大家係不斷咁進步,只係了解既進度係慢左少少 但畢竟大家都只係一齊左個半月,所以還需要努力 今日教堂講"愛" 拍左拖會覺得,愛真係一樣好難明既事,咩野係愛,點先係愛 但今日神父講完,我發覺原來有D野,我已經做左 好似話,我地愛人,要好似天主愛我地咁樣,因為天主唔會因為你以往做錯事而唔再愛你 另外,你愛一個人,係愛佢個人,唔係愛佢係你心見中所想果個人 我之所以諗得通,都係多得上年個camp,真係令我有好大得著. 當然,我唔可以講話係學滿師,愛呢樣野,講好易,但要不斷咁去愛,係好難 值得高興既係,我至少開頭已經做到 諗返轉頭,都要多謝之前果段感情. 呢三年既空白期,令我不斷咁反省 有好多野,我以前真係做得唔好. 好似成日唔出街,自己話晒事,唔識專重個女朋友,三分鐘熱度,態度差. 係呢段感情入面,我不斷同自己講,唔好重覆犯返以前既錯. 我知道自己份人,堅持方面做得好差,好容易放棄. 我希望,我能夠不斷提醒自己要做好. 另外,記得要向天主祈禱,希望佢可以走入我地既感情入面,祝福我地. 我愛我既女朋友,我唔介意以前所發生過既事,我亦都知道,我係鍾意佢呢個人,唔係我心入面所幻想既一個女朋友. 佢唔係一個完美既人,我亦都唔係,但我愛佢所唔完美既野. 神父今日話,好多人內心都想操控住其他人,我要警惕自己,我要的,不是一個扯線公仔. 我要女朋友活得開心,舒服,做好自己!

呢排返工真係得閒到嘔,為左唔好令自己咁頹,我決定用返工既時間搵工同整Resume 上年期send左成批野出去,估唔到一間野即晚已經覆我叫我去見,仲要約我聽日先見 好耐冇見過咁好既hr,比足時間你,咁先make sense 其實呢間野我對佢好有好感,亦都估唔到佢會叫我見 但我又知道,一定見唔成,因為我既性格唔岩做D咁既野 向另一方面諗,我自從上年10月以黎,都冇見過工. 況且有賭未為輸. 同埋而家唔同la,同左女朋友一齊,再唔係寡佬,要上進,否則只會同女友愈走愈遠. 唔可以再咁吊兒郎當. 而家既目標好簡單,至少我唔想係呢間公司再浪費任何時間,我既生活亦唔可以只有拍拖. 我要設法離開公司,呢度D人個個係度hea,日日返去冇野做,更枉論會有任何野學 我亦明白,坐係度等運到係冇用既,機會係自己去爭取既. 可惜,本來諗住自己可以一早準備,但又做唔到. 我要堅持,不能夠咁易放棄. 拼死一戰,總好過未打先投降!

我同女友早幾日一個月紀念 話說當時我地係whatsapp 講既時候，咁岩横誇左12 月1 號同2 號 為左易記，我就決定定係1 號 冇特別做d 咩，女友又冇介意 因為12 月31 日果晚，去左女rm 屋企玩，當日女友有野做，要好夜先黎join 果晚倒數完玩到兩點幾，我決定做一個創舉，由女rm 果度送女友返屋企，再返自己...

新既一年又開始,一如以往,我都會係新既一年回顧返上一年發生既事,讓自己溫故知新 上一年寫左好多篇entry,有122篇,平均每三日就寫一篇 年頭開始,好灰,因為果陣認識到份工好唔掂,個人寂寞,父母鬧大交 幸好屋企既事,一二月既時候已經解決左. 仲有好多工見,包括電台,同埋我想做既政府工. 二月份 阿婆離開左我地,第一次見證親人離開. 傷心一定有,但我為阿婆能得到解脫而感到安慰. 工作上,出左一個大錯,令我非常唔開心,幸好不是很嚴重. 而且因為工作關係去左澳門三日兩夜,好悶,但有得出去行下,仲一個人睇梁靜茹演唱會,還自己一個心願. 三月份 終於出左自己第一張信用卡,張卡連埋八達通,自己終於獨立了. 冇野做,take左一個翻譯既short course,叫左有少少記託. 四月份 睇我呢幾年黎第一場戲,真係估唔到. 雖然仍然好頹. 工作上仍然悶,冇野做,但有工見. 五月份 最熟既同事被迫走,士氣好低落. 見工見極都係失敗. 六月份 去左人生第一次六四. 自己挖耳整親,搞到要去睇耳鼻喉. 七月份 成個六七月有歐國盃,屋企專登比錢睇,所以keep住睇,個人好夜訓. 開始都冇工見,但KK 出現了,個人開始有D野做. 八月份 同KK熟左,又睇戲又食飯又whatsapp 仍然冇工見,但開始多野做,成日OT 九月份 返左呢份工一年,仍都返左黎成年,冇野值得好開心 老豆被驗到有事,以為係cancer,好彩最後冇事 有得出trip,去左上海台北,難得有得離開香港,心情大好,除左比人加300蚊人工之外 十月份 有假放,去野餐 難得有工見,但份工就唔岩 做左件好錯既事 去左一個今生無悔既camp,改變左我好多 十一月份 被KK攤牌,我冇再聯絡去 同女友開始發展,第一次食飯衰左,以為冇機會,點知最後都一齊左 十二月份 份工好得閒,寄望2013年頭可以轉工 同女友拍拖,意想不到 如果唔計最後呢兩個月,2012真係好黑,好灰,好頹 黑,係指事業,一開始見咁多份工,都冇份見成,之後連工都冇機會見 灰,係對自己既前路,真係不知所措 頹,係指自己既生活,好悶,成日自己一個 其實最近睇返,自己返左黎,真係好頹,對身邊既野冇興趣,同熟人食飯都冇咩野講,可能因為份工搞到自己咁 同天主...