一個人焗豬

星期六,做左獨留兒童

父母上大陸,家姐返工加去街,幾位一早已經係咁問我有咩做

有D咩做,個個星期六都係咁過,起身,下午,煮面食,hea

不過其實今個星期六係有D野要做,參加公司一個program,義務睇application

一早起身,差唔多兩點,fail,唔明點解又咁晏先起身

我已經唔係早返工,唔係遲放工,又唔係特別多野做,星期六都咁累

點知電視做緊機動部隊-警例,好鍾意呢個系列既戲

雖然係美國睇過一次,都忍唔住再睇

兩點幾先去煮過韓國薯仔面食,之後hea睇電視,睇左陣波,

終於到四點幾肯出去買野. 因為已經plan左自己整焗豬扒飯

去到百佳,好彩仲有新鮮豬扒賣

仲買左pack天然洗潔精. 老豆成日話我返左黎唔理屋企野,唔係我唔想理,

係佢攞晒黎做,又唔接受新野. 買家庭日用品呢D野,係美國四年,同兩批人住,都係我理既,從無缺貨

所以佢地唔係屋企,又係我發揮既時候

不過真係唔明,我搵個鍚紙兜焗飯,淨係搵到焗麵包果種長型,好少款,點解咁難買

返黎睇左陣電視,睇埋傑志戲劇性拎足總盃冠軍先去煮

其實幾多野要搞. 先炸豬扒,估唔到炸得幾好. 再炒飯,之後煮汁,再拎去焗溶芝士.

我覺得自己整得幾好,好食,唯一焗果度掌握得唔好,太大火,有D芝士原條燶左


今日買完野返屋企,先發覺屋企真係幾靜. 好耐冇試過,多數至少都會有老豆係屋企

但其實自己係美國都慣左,只係成日要溫書,愈靜愈好

今日亦冇做過野,始終又電腦又電視,好難集中

只係自己身邊既人緊張過我

阿媽,家姐係咁問我有冇野做,叫我去約人. 星期六通常唔會諗,除非有人自投羅網,平時要返工,呢D時間人地要拍拖

post左張焗豬相上FB,一位唔多聯絡既美國舊同學B無啦啦message我,話唔知我自己一個係屋企,如果唔係約我食飯

我話,你同女朋友食AR,佢話係AR,真係好彩,多謝你冇問,我寧願係屋企一個人食,都唔想做燈膽

係百佳見到一對對係度買野已經好想快D走,我比較喜愛一個人靜靜地

不過點都好,呢位同學都係出於好心,我都好感激佢既心意

靜,悶,一個人,我從來都唔怕,反而身邊好多人會覺得好大件事,特別係香港,好多人去廁所都要搵人一齊

係美國既時候,都慣左,一個人想做乜就做乜,自己一係死讀書,一係就係hea

一個好鍾意留係屋企既人,你要佢成日出街,係好痛苦既

況且,我睇唔到而家過緊既生活,係黎緊會有咩改變

我希望既,係會多D事業上既野做,但好多野自己都控制唔到


琴晚,damn,又係夢景中見到前女友

問心果句,我對佢真係冇野,即使佢返左黎香港,我都冇搵過佢,

講呢件事,係因為我發覺,分左手三年,呢三年,冇女仔令我心動過,

結果,回憶自動去找尋最近既紀錄,正係三年前既佢

失敗,廢,冇X用,都係最好既形容詞

好多野,自己控制唔到.

可以做既係,做好份內每一件事.