洛奧民 三0再度出發

Follow up 上個blog post,居然不出所料,1星期後老細講透過我隔黎位同事向我傳聖旨,比奸臣所講既更徹底,唔只短期內唔去果度食,而係以後,因為食厭左 聽完又係唔開心,又係情緒低落,呢個order比上星期更震撼,因為係唔可以再去,抖下氣既機會都冇 當日下午到夜晚去溫書,我都好唔開心,條氣唔順,office係呢個荒無之地,仲要我湊住十幾人,又要D野黎齊,booking要穩陣,最好坐埋一台......我唔係亂做,係有諗過的,而且真係冇得比我揀 老實講,小弟無能為力了. 一開始我已經好唔鍾意做呢樣野,formally呢樣亦唔可以叫做係我工作既一部份,只係一種additional duty,我死忍,但我冇hea做,每星期準時星期三book定枱,星期四請示你老人家食唔食,我做足晒本份有餘. 咁既陣容,咁既地方,完全限米煮限飯,仲要搞我,真係巧婦難為無米之炊. 我不斷係度諗係咪我既問題,問左兩個同事,佢地都係鬧佢,話根本冇人想同佢食,一路食只可以聽佢鳩up,仲要aa 制同蝕埋的士錢 根本冇人明白,一件冇人鍾意做既事,每星期要煩一次,好啦,咬實牙關做,佢就玩野. 係啊,佢話唔去果度食,咪唔好去囉. 根本手頭上餐廳選擇唔多,係冇得揀tim,今次玩完你,下次咪又玩野,ban多間囉,佢最過癮 用左星期五大半晚諗,唔係咁wor,我唔可以認為自己有問題,以前幾份工既上司對我工作既評價都好好,有咩野我都會盡力去搞掂,即使呢樣野係我唔鍾意做,我都會去完成 而且而家唔係我唔捱得,上個位OT,工作多壓力大,頂到身體差到生蛇,仲有D焦慮,我照樣返工搏殺,冇放棄過. 而家根本係你要玩死我,唔係我做野有問題.唔可以比佢地搞到連我都質疑自己,我既工作態度係得到人地既認同的. 加上呢個地方既人和事實在有好多有問題既地方,對自己都有影響,我唔想再咁樣糾纏落去,決定離開,因為我相信,我唔值得咁樣,我係有能力既人,唔應該係度繼續由你侮辱. 當然,現階段未去到要裸辭,過埋呢兩個月就埋手執CV, 搵工,最緊要呢幾個月係儲錢,起碼要有舊extra既錢去辭職 黎到呢一步,只可以睇化,食幾多著幾多,整定的,命裡有時終須有,命裡無時莫強求,講咁多最唔捨得當然係份人工,我清楚知道出返去肯定一段時間都搵唔返咁既人工. 老實講,呢幾年我都唔係算享用左呢份多左既錢,除左去旅行手...

轉左黎呢個地方一年,只有更唔開心,沒有最唔開心 冇野做or做埋D無聊野,老細亂L做,成組終日比人恰9,呢D種種都睇化晒,盡做 最唔鍾意做既就係每星期搞食飯,我爭紮過無數次,中間試過星期日瞓唔著,因為諗起呢個禮拜返去又要搞食飯 每到星期三就灰心,因為要開始book枱 出黎做野咁耐我都係帶飯,除左唔想出街迫同洗錢,就係為左我副死人腸胃,加埋而家要減肥,免得就免 而且同D老細食,就唔係食飯咁簡單,好大壓力,又擔心間野唔記得落booking,又要諗會唔會D野食黎唔齊,試過有次confirm晒間野比左張枱人搞到我冇枱,嚇到仆街,你可能話都唔關你事,係啊,但搞手比人屌係應份既 食親都10幾人,星期四要集齊名,有時星期五12點先話你知食唔食 個個都講到去食飯好冇所謂,唔駛佢搞我都識講,做搞手既我除左放假都冇得揀唔去,你地有時一句唔得閒就可以唔蒲頭 有時唔好彩仲要落去截埋的士,雖然而家好少要咁做,但我都接受左 講真,呢樣野對於我真係好難受,我以為隨住時間過去我會習慣,但係冇,因為我一路退,D人就一路隊你 得閒玩野,唔話你知住,等到last min先答你,又要你集齊名,成日玩野. 今日同我講,短期內唔好再去果間,我唔識應你,我手頭上得3間揀,你又要多人,有時又要近,十9幾人要做埋一齊,我要顧住間野book台穩唔穩陣,野食齊唔齊,唔洗搞果D當然講乜都得 今日講我知,真係多謝你,係一個警告,再黎就直上天庭,做9你自己claim埋credit,都唔知幾L過癮 自從黎左呢度,我真係大開眼界,社會上有D人真係狗到出汁,明明其實自己好忙,多野做,但就係要成日諗埋D野出黎害人,有時害左果個人自己又唔會得益,我諗真係會有人有鋪癮睇住其他人仆街. 呢種人周圍都有,但係呢度特別多. 更重要既係,係呢個地方,偏偏呢種人就升官發財,扶搖直上,比佢害既人有D連份工都冇埋 黎左呢度,我深深感到天冇眼. 不過,亦令我領悟到另一樣野. 人地做仆街,自己都唔一定要跟住做. 過到自己良心就好了. 好似今日食完飯返office,聽完人地既警告,個人好down,好唔開心,但有個而家每個月捐緊既機構打黎想我加錢,其實之前都有D想加,但又冇真係的起心肝去做,我想信打黎果個人其實都好緊張,亦都應該比人問候好多鑊,將心比已,比著我要打呢D電話,應該驚到賴屎,所有我一口答應...

又開學了,講起都傷心 本來已經上晒堂,黎緊呢3個月就係做paper,多得學店亂cut班,聽日開學又關我事 搞到我個人有D緊張,因為原來成3個月冇上堂了,而且當你去到尾,就黎完成果陣,你就會越驚死 搞左5年,讀到冇野好讀,只好揀班難既,都驚驚地 不過咁,唔好淨係掛住回望過去,呢幾個月突如其來既暑假,我都叫做有D得著la 話說cut 班後我同自己講要做左research paper先,本身諗住暑假做晒佢,但當然呢D goal 太unrealistic 始終唔趕時間,個人提唔起勁,但又咁講,我又唔係完全冇做野,一星期都有三日有research,仲有好多個星期五晚返左大學library,什至有時星期日都有 到左今日我終於開波寫左1part,冇之前所做既野,根本冇可能做到. 又或者如果我真係呢3個月做paper,都未必做得到,有時D野,或者係整定 呢個假期亦都搵左唔同既朋友食飯,有D好耐冇見 亦同女友試左上yoga,頭幾堂幾好的,之後越黎越搞唔掂 最重要既係我的起心肝去減肥,搵埋營養師,so far 1個月跟足飲食指引,同埋最近做到埋每個星期150分鐘帶氧運動,原來瘦得好快 我仲諗住由細肥到大,就算減都應該會好難,冇太大期望,但竟然有驚喜,戰意仍然濃烈,希望我最後keep 到 返工之前都係冇咩搞,唔開心還唔開心,都係要過生活,把心一橫將精神時間放係做運動度 另外呢幾個月睇左好多場kpop,比女友詐型,好彩琴晚睇埋gfriend,真係好好睇,值回票價,我亦都知自己有D過份,真係洗左好多錢,而且睇得多個人有D麻木了,今年kpop就係咁先 仲有3個月多D就3張野,人老左,好想做多D改變,想健康D,想儲多D錢,心態真係唔同以前,後悔自己咁遲先識諗,只好把握時間 工作方面,環境係惡劣,但係自己都覺得自己既態度變得有問題,好想去改,但又成日做錯野,希望加倍留心,起碼要過得到自己,唔好再心散 趁住新學年開始,重新出發,呢3個月搏盡無悔!

過多幾日,我就會係度做左3年 3年呢個數字,對我黎講有好多意思. 首先,呢份係我畢業以黎做得最耐既一份工,第一份工做左一年半多D,第二份就兩年多少少. 其次就係對於我既身份,經過長達三年既試用期,理論上你既聘用成為左permanent,係呢個世代十分陌生既一樣野. 其實簽之前都有少少既猶疑,因為一簽,第時要走,就要比三個月通知. 後尾睇返條款,原來賠錢既話,只需要一個月糧就走得,不得不歌頌呢個良心僱主. 老實講,今日唔知聽日事,因為聘用條件既唔同,中途離職其實冇乜特別大既損失,係咪做到最後,經過呢幾年既觀察,唔係由你話晒事 好多人幻想,入到去冇人可以踢你走,咁講係冇錯,但你假設既係所有野都順風順水. 見到唔少人,一路做,個位越黎越衰,D野永遠都做唔完,有開工冇收工,同事恰鳩你,老細(性)虐待你,D客屌柒你,有時唔係真係你自己想走,咁多野一齊發生,你係咪真係頂到? 夾硬頂頂到自己身心受損,為左D咩? 仲要真係發生既時候,你頂到先算. 一入黎個位,開始真係做到扒係度,到後尾即使熟左,都係多野做,仲因為做得而比委託更多工作,果陣真係做到焦慮症,日日返工搭地鐵就係肚痛,個心跳唔停,但老細好人,好肯教我,係我咁多個老細之中最好,所以都好珍惜果段日子. 到呢個位,冇野做,有都係D無謂野,日日準時收皮,老細唔會同你講D咩,問佢野仲衰過去黃大仙問前程,係空閒過以前,但完全學唔到野之餘,個人亦越黎越退步,每日都唔想返工,每日都好想離開,經過一年我終於勸服自己,就當係為左搵錢,儲到錢之做自己想做既野啦. 況且,睇返出面,都要面對現實,如果想搵返相近人工,根本冇可能 面對將來,只係想逃離香港呢個地方,當務之急,只好努力搵錢,唔通仲諗住去洗大餅,我肯做人地都唔肯請 最糾結既係我今年就30歲,真係走又唔係,變又唔係. 走,未諗到做D咩,唔想行返舊路,因為舊路仍然係咁樣 唔走,就算唔想咁就一世,之後變既成本只會越黎越大,機會越黎越少 諗下諗下,都係搞掂埋讀書先慢慢諗. 係度過左1年,仲要至少兩年要坐係度,捱唔捱得過都好難講.

之前draft 左一篇blog,未寫完已經冇心機寫落去 最近心情都唔太好,又要由上個月月尾講開 話說照常讀summer,上完第三堂,過左兩日,學校先靜雞雞email黎話取消左果班,結果揀唔到第二班上 明明仲有14人,唔明點解取消. 本來都懶得問,點知佢自己打黎,問我Take 唔 take其他班,我順面問佢,佢仲好老實咁講話冇一個數點先會取消,全部由學校決定. 我本身都冇諗過會取消,因為明明我就上過得十二人既班. 結果好嬲,寫左個email比program director,換來既係話會搵佢D同事follow,有消息再通知我,到而家都冇左回事 冇辦法之下,唯有將寫paper計劃提前,但平日冇時間冇精神,weekend又的唔起晒心肝,professor又放假唔覆email,唔上唔落咁,唔知自己想點 五月至六月頭,office都冇咩做,有時返到去直程真係由朝坐到晚,唔知做咩好. D人個個聽到都話好,唔洗做有錢收,但我根本就唔係D咁既人. 我覺得自己個人好冇用,完全冇存在價值,直到月中叫做好D,有返D野做,但又係一陣就做晒. 我真係好憎呢種返工既生活,自己完全係unwanted. 五月file左兩單投訴,一單係上網買野,間公司亂寫中文名,指鹿為馬,我只係想換貨又唔換比我,結果寫左去海關同消委會. 過左成個幾月,海關話唔成立,本來都打定輸數,消委會呢幾日竟然有好消息,最後退返錢. 另一單係私隱專員,本來好快手覆我,雖然結果未算係最好,但到而家都仲未收正式回覆 呢幾件事都令我覺得,係呢個地方,用理性既方法去處理事件越黎越唔work,真係好可悲 六月都唔係好過. 琴日比個下屬發我脾氣,自己太淋,冇辦法,但已有進步,不斷係心裡面同自己講唔好淆 今日又比個professor屈我.事緣上個sem有一班寫paper拎C,緊係唔滿意,寫左個email,講到明只係想知自己錯乜,唔係想拗grade,因為黎緊要寫paper,想改善. 佢好快覆我,講左一堆關於我篇文既內容既問題,我大致上都同意,但佢最後仲有一句,話我citation冇跟指引,我實在唔明,因為我對住guideline黎做,所以Reply佢請佢指出我具體係有咩問題. 我都知佢放暑假,所以我已經即日出email,結果等左三個禮拜,我知再唔follow就唔洗旨意佢會覆,remind佢,結果佢話我只係針對...

呢句係我睇韓劇成日會聽到既一句說話，有時會係心裡面用韓文讀一次激勵自己 最近好多野都唔順利。 首先，學業上，上個sem一科A-，但另一科寫paper C,雖然到而家呢個時間我都唔理成績，但寫文始終係我少有既長處，所以都有唔少少唔開心。 不過其實自己都知做得唔好，個topic揀得唔好，但實在冇時間轉同埋冇時間做，只係自己貪心想攞高分。 點都好，諗住過左佢，迎接summer sem,  最後一班lecture.  點知上左3 堂先至冇lala取消， 有14 個人都冇得留低，明明記得我上過一班得12 人都仲可以繼續。 本來都算， 點知faculty打黎問我take唔take其他班， 順面問埋幾多人先cut班， 佢竟然答我冇實數，由faculty決定。 慶過火屎， email program director,  換黎官腔既回答，已交相關同事處理，有消息再覆。 呢件事加上最近向幾個公營機構投訴，最後都不了了之，我發覺呢個地方，用循規蹈矩既方式做事係完全冇用的， 唔大吵大鬧的話，只好認命。 更hurt既係，我為左呢班買左本書，三催四請終於黎，睇左一陣先發覺，我係年幾前果班係買過，完住崩潰，真係好想喊，好嬲自己。 不過我真係完全記唔起本書，亦醒唔起要check,  整定的，只好move on. From呢樣野， 又令我諗起返工果度。 最近好冇野做，返工好悶。 有人會覺得冇野做有糧出係好爽。 我第一份工已經試過， 唔想再試， 結果而家又係咁， 我可以講，長期係咁，你個人會越黎越頹，做野越黎越差，越黎越冇腦，決定差劣。 我鐘意做野，唔想咁樣落去

原來2018未曾寫過blog,時間過得好快好快,今年已經過左差唔多一半 岩岩完sem,尾二一個了,如無意外讀埋summer就唔洗再上lecture. 今個sem好長,由1月上到4月,因為中間太多假期. 其實每年最鍾意就係term 2,因為中間D假期,特別係復活節可以比我追返D進度 今次呢個sem好攰好攰,病都病左兩次. 但完左之後我好proud of 自已. 呢個sem有兩份paper加一個in class. 三月要交一份2000 字,四月就一份5000字再加in class sem 頭整左個plan 比自己,其實都冇特別跟住,但最後兩份paper都可以提早完成,早過deadline交,其實都冇諗過,仲以為自己要deadline之前一晚通頂做(以前degree 果陣份份都係). 由三月頭開始發力,先搞掂2000字果份,之後即刻就準備5000字,復活節4日假返足library 3日去寫,執埋就搞in class final d notes. 一個sem 谷左自己三獲,真係算超額完成. 換黎既真係好冇時間做其他野,基本上就只有返工同讀書,但其實個人係疲累既. 好彩今次final考得早,有得抖兩個星期,仲可以抖埋五一假,今日瞓到12點幾,非常少有了. 返工就仍然都係咁,好想走. 但我明白,而家既setting係對自己最好,起碼學費唔洗太擔心,時間亦穩定,所以寫埋paper我先再諗吧!