洛奧民 三0再度出發

話說今年無啦啦聽起k pop黎， 因為無論廣東話定台灣歌都死晒， 而且越聽越悶 加上轉工果排做到死又攰，每朝都需要d kpop快歌激勵下等自己醒d 韓國樂壇真係好勁，每星期都有新歌同新人咁制。 唔知點解，我對韓國好有好感，以前係美國食既韓國野好好食，加上上年去完韓國感覺好好 曾經...

上一篇blog係7月既時候,原來已經chur左3個月,我亦都入職3個月,時間果然過得好快 中間一直好想寫blog,但實在太累,有諗過用返紙筆寫日記,寫左兩句之後都係放棄,現代人已經唔識寫字 好攰好攰,三個月入面,除左中間有個幾禮拜七點幾走得之後,呢排又忙過,又係晚晚返唔到屋企食飯,放假仲要返去做野 呢幾年都冇點瞓過晏覺,除左之前秘撈之外,但呢幾個月,weekend有幸係屋企既時候,就由朝瞓到晚,一發不可收拾 特別珍惜係屋企既時候,第二日唔洗返工既話,之前一晚都會好夜瞓,因為終於可以睇下電視,上網睇野 好老實講,直到今日為止,我都remain positive.係攰,係辛苦,唔叫得做享受,但我亦未開始怨天怨地. 我對自己呢幾個月既表現其實都幾另眼相看. 一來,我睇到呢幾個月係學到野. 工作環境,做野方式唔同左,畢業一直都係做緊同一行,趁住呢個難得既機會可以轉行,當然想學多D,睇多D 二來,呢份工比到一D我以前冇既訓練機會,做野既要求亦嚴格左,係好事 三來,其實我活像一隻牛,某程度上我係幾鍾意做野,如果比我第一份工就咁,我諗我會開心好多. 好多人會覺得hea住過好爽,但當你真係試過,你就會明白冇野做比多野做難受. 我仍記得第一份工,好冇野做,每日hea住過,唔係自己想hea,但想做都冇野好做,慢慢覺得自己冇乜存在價值,冇面見人,返工等收工,出糧都唔好意思攞. 到上一份工,係多野做左,但到後來,其實D野都唔趕,因為交唔到唔會有人話,唔會有人追,交左亦唔代表會有人睇. 果陣晏走,都係因為同人吹水吹得耐,加上早走好多人,所以先磨得夜 而家一返去就不停做,做到放工都冇停過手,感覺充實好多,雖然有D吃不消,但每日都覺得自己做左D野 況且第一個post咁忙,係一個好既鍛鍊 不過呢排真係覺得好攰,而家頂左幾個月,今個Weekend終於有少少唔舒服,都係時候停一停 同埋其實i am not alone,辛苦人人都會覺,只係睇自己用咩態度去應對,倒數日子可唔一定係消極,而且可以係一個目標 況且我自己雖然做野唔可以話做得十分完美,但我會博盡,對得住自己 呢排最開心,都係比supervisor讚我,佢唔易講呢D野,對我黎講都係一種肯定 呢份工,有人會覺得,認真又係咁,唔認真又係咁,但我淨係知,認真做,係有人睇到,亦會有人...

返左兩個星期工，今個禮拜正式接手， 已經要連續7 天工作， 晚晚ot D工作量大到應付唔到， 而且亦唔識做 加埋個上手講野完全唔知佢想點， 聽完都唔識做 枱頭電話不斷咁響， 又會有無數既野突然閃出要你搞掂，打電話同聽電話都用晒我成日既時間 只可以講句自己唔好彩，完全中伏，...

之前一路等以為空歡喜,原來更大既玩笑係: 要你等足兩個月 上個月12號終於收到封信,正式有offer 黎offer既時候正係出差,一時間手忙腳亂,即刻要辭職,以免要賠多D糧 時間緊迫,加上返黎要準備考final,根本冇太多時間留係office 最後呢段日子,其實冇幾多日係office,就連Farewell 都搞唔到幾場 由我4月收審查到而家,其實我一路都好唔捨得呢度既同事 我完完全全知道,出到去,肯定唔會再遇到咁好既同事 呢度既環境,係一班心地好好既人一齊工作,所以處身係度係好舒服 去到後期,每次返工,頭半個鐘都係去左同人吹水 對普通人黎講,可能冇乜大不了,但對一個唔多講野既人黎講,我係呢度講既野真係多過我一生人講既野 係呢度,連我呢D唔講野既人閒閒地都可以搵到人吹下水,一班人總係開開心心,會議室傳得最多就係笑聲 以前份工,返10點,我都會唔知醒起身. 係呢度,除左試過一次瞓過龍之外,我都未試過遲到,無論係返9點定9點半,好多時仲會早好多返去,而且次次都係自己醒,唔洗人叫 因為我好期待返工,係呢度返工係一件開心既事,可以同人傾計講笑,咁又一日 上一份工做左年半,對於我就係度日如年,係呢度,做左2年2個月,我都覺得時間過得好快 其實一開始我都怕自己會捱唔住,頂唔順,始終未返過大陸山區,但去多幾次,其實都幾鍾意返,因為D人真係好純樸,好友善 亦都真係好好彩,我兩年黎出trip都未試過係山區急屎,我都已經諗定如何在野外屙屎,但好好運,我唔需要嘗試 仲要每次去我都食好多野,但都未試過當場奶野,對於我呢D垃圾腸胃既人黎講,簡直係天方夜譚 一切都要感謝主,去山區有一定危險性,但每次我都安然回家。 亦都要感恩. 老實講,我一畢業就希望做一份穩穩定定既工,就好似黎緊呢份咁. 但天主巧妙既安排,使我可以趁住年輕任性一下,體驗唔同既野. 呢兩年既經歷,又係有錢都買唔到. 到而家,真係有點攰了. 本身半工讀一定係攰,我仲要顧埋出差,諗返轉頭我真係唔知自己點manage (雖然個個sem都係諗考幾日先學返晒D野) 去到咁上下年紀,錢亦變得重要,而始終好多制度上既問題,都令我開始失去當日既熱情同衝勁,既然係咁,不如退位讓賢,自己亦有機會諗下之後既路係點行 呢兩年發生既野,實在係太美好,有D自己都不能相信. 但...

這個玩笑開得真大 ........ Interview是3月尾的事，收到form是4 月頭， 交表是4 月中， 佢話會係5 月中下旬通知 結果是等了一星期又一星期，失望完又再比希望自己，然後是更失望 自從發現forum有人講， 每日都忍唔住上去睇，見到係地有消息自己更加擔心 呢兩日都有4 月尾in 5 月交表既人收到offer, 更加絕望 因為...

上回講到叫緊糊,一路諗住下次上黎就係update好消息 點知睇睇月曆,一等就係一個月 等左一個星期又一個星期,越黎越唔對路 其實我從第一日起,已經聞到燶味 皆因我今次唔知點解好有信心,好似實得咁,已經諗定做左之後會點點點 從來我都係一個悲觀主義者,99.9999999%對我黎講都係唔穩陣,因為有0.1111111%出事 但今次就好似得40%我就已經諗住得左,我都解釋唔到發生咩事,可能真係太過興奮 今日諗,唔得就算啦.總唔可以永遠係度睇,做人要睇闊D,今次走唔到,唔代表我就要坐係度等運到, 繼續搵下,不要放棄. 不過如果今次真係唔得,我諗以後都唔洗諗做公務員,因為表示左有D唔到我控制既野阻礙左 之前係度諗,搵多左錢,我就有更多選擇,其中一個就係搬走 之前以為阿媽阿爸又黎鬧交,已經決定今次唔會再忍,最後發覺係自己虛驚一場 今晚老豆唔知搞咩,黑晒面,完全唔出聲 老實講,對呢個家,我早已放棄,因為真係冇力再理,只係因為樓市搞到大家迫住住埋一齊,既然係咁,大家只想每日平平安安過日子 工作方面,黎左兩個新老細,越做越灰心,D野比人問幾十萬次,開左幾百萬次會,交親野實比人拖, 個senior又冇料,講埋D野又低能,我認我係有D坐這山望那山 但我覺得咁落去實在係浪費心機浪費時間. 係度做左兩年,我從來冇呻過灰心過,但呢兩個月,我實在忍唔住. Any,我就是黑仔,有好野唔到我,衰野就實在我份.連自己個保險經紀都cheap到冇朋友,很灰. 但瞓醒覺又係要生活,係呢個城市,除非你唔洗食飯,唔係冇得你揀

離開， 錢是一大因素，前景是另一因素，另外既就係自己有d想settle 過年同x mas比我體會到，我真係攰，好攰 放假都攰，因為平時返工同讀書，考試後通常趕住去trip, 放假就趁有時間同朋友見面，所謂放假根本仲攰過平時 慢慢我係度諗，我冇左自己既生活，冇左停落黎慢慢諗野既機會 況且出trip...

2,3月時,照舊一年一度既AO/EO面試活動,坦白講已經起碼第三次見呢兩份工(多到我到唔肯定係第3定第4次) 記得今年考JRE既時候同自己講,玩埋今年,如果今年都唔得既以後就算,唔好再考,一來好攰,二來衰過咁多次,好灰心 2月既時候見AO先,其實今年算係咁多次裡面叫做有D準備,畢竟上年死得太慘,英文嚴重退步,未到一半已經比人踢出黎,今年比自己既目標係至少比上年好 今年好彩,2月時比大老細捉左去馬拉開會,多年冇講英文既我突然有左機會練返 而且見既時候條題目唔算太深,三個考官比上年nice一百倍,表現比上年好,雖然都係入唔到第二圈,但至少對得住自己 記得以往多數都係見EO先見AO,今年咁岩調轉,經我咁多年既經歷,見先果個係唔抵,因為多數因為太耐冇見工而表現未如理想,見後既就因而有個機會train up 返 到見EO時,其實都真係完全冇抱任何希望,因為我太清楚佢點見,亦諗唔明究竟佢想你答咩 臨考前終於google 下d 人對於EO interview既分享,大家都不約而同講情境題係最難但亦係最致命既一環,不過就算知都冇用,因為基本上冇得prep 今年去見,見頭圍,8點8要上到去,等左差不多9個字,入到房,三個人都好nice,我諗係有史以黎最nice,我亦都有信心左,答問題無論中英文都好順,而且佢D問題我諗我比佢仲要熟識 今次見完,自己都確實幾滿意,可能真係做左4年野,個人終於都叫成熟左 結果,放完復活節長假後,收到EO 既Vetting form,估唔到真係收到。問個做公務員既同學,佢話都好大機會,網上既人亦都係咁講 收到既時候,當然係開心,因為今次真係好接近,咁多年,終於有機會pay off 但同時,亦都有D嘆息,因為表示我要離開呢間公司,一個咁開心既地方,同事咁好既地方 我明白,人係要長大,不能成世處於溫室 政府工人工比我而家高,每年亦會升pt,前景算係比較明朗 錢當然係我考慮既一個大部份,因為而家要自己比晒學費,2-3月時,又去旅行,女友又生日,又要交學費,真係乾到冇朋友,咁多年黎,第一次試過自己咁冇錢,卡數要去到最尾先敢交 但同時,我亦有好多考慮。第一,自己今年年尾就27歲,係咁仲可以咁樣做落去,拎住個咁低既人工? 第二,由未畢業到而家,我都係係呢一行,試過去見其他行,人地一睇我就知我唔岩,我亦都...

羊年開始,希望順順利利,搵份新工! 聽日要同大老細出差,希望一切順利,唔期望唔比人屌,只期望屌小D. 臨放假前teammate同大老細開左次會,決定左唔做我想做既野,我已經心灰了,大家已經改變唔到個局面,自己只好走人. 新年好忙。年初一至四都忙,亦好攰. 臨放假前兩日,直程攰到虛脫咁滯,冇病到瞓低都算係咁. 我發覺而家放假,仲忙過平日.原因係我實在太忙。 平時要返工返學,好少會見到FD,好少會聚會,親戚既聚會更加少蒲頭 特別係去到sem中間,更加潛晒水,起碼到考完final先重返人間 所以而家每逄放假就已經約滿晒人 果種攰唔只係平時返工返學早起身既攰,而係個心諗住工作同學業既攰 雖然日日都要出街出到好夜,但呢幾日總算可以平靜落黎,夜晚煲下劇 聽日又要開工,三月成個月要踩,去到四月先放假了

話說上年年尾真係睇到自己好唔掂,個人好hea,冇乜鬥心,做野得過且過,冇動力. 唔知點解會搞成咁,可能份工冇乜壓力,讀書又唔再好似以前咁要chur 爆GPA 仲有,唔知點解愈黎愈肥,但其實愈食就愈多野 我覺得,咁樣落去唔掂,仲有咁多年生活,唔可以咁樣 係1月1日時,我向自己承諾,今年要過返D有紀律既生活 搞左咁耐,其實1月到而家都係咁樣,Weekend瞓到12點幾1點,又唔溫書 亦冇做過運動,business as usual 所以,參考公司做法,終於係今日為自己訂立左個annual plan,仲做左D表比自己做record 明天起生效 呢個plan主要分為personal, career, education三個方面 希望自己真係可以持之以恆,完成個plan 年紀唔細了,反而個人越黎越似細路,自制能力越黎越差 今年希望做返個男人 另外，今年亦有好多目標要達成 除左返黎做野咁耐都做唔好既儲錢之外 今年希望可以轉工 本身都冇乜好大既motivation,因為有自己想做既野 冇錯,老細走左,呢個係其中一個原因,同埋就係決策既混亂 但早兩日同舊同事happy hour,就比佢一言驚醒夢中人 佢話: 呢到D人太好,要求唔高,亦唔會炒人,但做野既質素實在太低,個人越做得耐,就會越被同化,慢慢以為自己做野做得好好,但出到去完全冇競爭力 回想起差唔多兩年既工作,冇錯,我過得好開心,因為老細好信我,比好大自由我,慢慢我會覺得好自豪,明明自己得年幾既工作經驗,黎到可以管一個project,出trip有人招呼有人托大腳,慢慢我真係以為自己好叻仔,其實只係呢度做野冇乜要求,做到就好了.慢慢,我越黎越hea,因為冇人會push你,D野做唔完,就推落下一年既plan 我會努力搵工,但亦會係搵工既同時,反省而家既工作態度,提高自己既要求,以免出到去生活唔到. 規距係咁樣,但工作態度同手勢係自己既,今年要有紀律,最重要既係每事認真