洛奧民 三0再度出發

估唔到最緊局勢變得咁快，權衡過後，無奈要將裸辭大計推遲 最近返工又係好得閒，雖然我已經盡量搵野比自己做，但真係好唔開心 呢排天氣好好，好想行山，亦睇過唔少人話行山可以比自己靜靜地諗野，或者可以諗通一D野 的起心肝，幾日前plan好左去行屯門徑 父母知道我要自己去，都話危險，阿媽仲話要陪我去。好彩我有機會出去讀書，學會照顧自己，假如我一直係香港生活，恐怕會變成一個廢青。 反而女友只係哦左兩句，解釋過後都同意我自己去。 冇錯我係個好細膽既人，好多時想做一樣野會擔心呢樣果樣最後唔去做。今次叫做比自己一個小小既考驗。 做任何事情都總會有風險，但最適當既處理方法係好好準備，將風險減低。 首先，今次揀呢條路線，之前行過一部份，難度亦係家樂徑level，完成時間約2小時. 另外我專登上網Research定條路線，記低checkpoint. 三來，我亦唔會走去D危險位置影相，只會行主路。 今日一切都好順理，琴晚夜返夜瞓，今朝未夠鐘已紮醒。我最擔心既肚痛都冇發生，因為朝早去到廁所。天氣簡直完美。 我亦都好開心自己體能進步左好多，上次行頭段樓梯，一開始已經扯哮，今次一路大步上去都只係少少喘氣，仲有貨賣，可見呢一年黎勤做運動既成果。 成程只係用左2小時就完成，仲要中間試過行錯。我都知自己行得太快，而且去到後期冇乜位置可以坐底，未能好好咁諗下野，下次要留意了。 千祈唔好自己一個行山，會上癮的。當然，路程長，複雜同崎嶇既話，都唔應該自己一個行。

話說年頭讀完書後，想學返D自己有興趣既野，其中一樣係學廚 想學既係西廚，研究過後，認為應該學法國菜，因為我認為法國菜係西餐中係一個訓練基本工既好開始 加上唔敢辭職，份工時間穩定又得閒，所以係的起心肝學既最佳時機 本來都提唔起興趣，因為個course成7千幾蚊，好彩係我搞結婚之前比錢，否則我應該放棄左 經過整整三個月，每星期一上堂，今晚終於完成。 等左好耐，其實係好玩，瑞士大廚好有心機教，但實在太攰。 首先係blue monday上堂，前一晚成日瞓得唔好唔在講，但堂堂企足3個幾鐘，最快都十點幾先係個荒山野嶺落堂，第二朝又要早起身返工，結果成個禮拜都feel like shit. 同埋去到先知D設備唔夠，D野成人都要share,同埋要自己洗碗，結果除左廚藝，我既洗碗速度達到爆seed 級 雖然係咁，但技巧上真係有進步，明白左好多西餐既野。 同埋我發覺自己真係幾有天份（除左擺盤），將來移民衰起上黎都可以去煮野食 之後要儲錢準備做無業遊民，睇怕都冇咩機會比咁多錢去學野，買左兩本法國菜食譜，學識左基本功，應該易D上手吧

星期日，第二日唔想返工乃人之常情，只是我的原因和別人的不同 大部份人不想返工是因為不想面對工作，我不想返工是因為回去沒有工作， 我經常想問天主，為何要我這樣生活？我不是懶惰，我很想做事， 但畢業後工作近8年，第一入工1年4個月是經常性得閒，回去沒有工作，每日都覺得沒有存在價值 第二份工作，2年3個月，我想超過年半的時間我是在拼搏的，後來離開，所有人都認為我是為錢,這肯定是原因之一，但我自己清楚，背後是機構停滯不前，人事混亂，做事雜亂無章，完成手頭上的工作後根本沒有下一步計劃。加上想嘗試不同工種，又需要穩定的環境讀part-time，走是正確的。 之後兩年，死衝爛衝，累極，亦辛苦，卻滿足。 然後就是這1年9個月。即是畢業以來，我有3年是一面返工一面無所事事的。 我不斷問，為何這段理應是拼搏的黃金時間，我卻過得這樣差？我完完全全浪費了寶貴的時間。 當然，i have myself to blame, 我不敢下定決心離開這份工作，又沒有努力尋找工作。 相比當年第一份工，我雖然在怨，但同時非常積極找工作。 遇到難關，我還讓自己下沉，是我的問題，還是這份工作把我訓練成這樣？ 我要學習在這個toxic的環境，令自己堅強起來。

我時常都覺得，我的靈魂累極了。 過去5年，忙著工作，又忙著讀書，一年只有差不多兩三個月的時間是可以空閒一點。 讀完書過後，好像休息了一陣子，雖然現在的工作很空閒，但回去面對這程環境還是很累的。 又因為這種空閒，我覺得自己每天都要做點事情，好讓自己每日至少完成一點事，對自己有所交待，所以多做了運動，又多看了書，總要找些事情做，當想不到應該做什麼時，便感到有點不知所措，所以人變得更累。 每天想著我為何被安排到現在的工作崗位，想著是不是真的要辭職，想著辭職後要是找不到工作怎算？ 然後又想著為何家裡變成這樣？老父的慘況。。。。 結婚的安排，有時也會想想。。。。。 是不是我太執著呢？ 有時也想真的可以什麼都不想，好好的靜下來，只是我真的靜不下來。 生活在這個城市，開口總是關於錢，即使現在人工算是不錯，但回想起來其實我也沒有真正享受過這份人工，之前用來交學費，儲蓄，然後現在用來結婚，生活開支越來越壓縮，有點兒喘不過氣來。 究竟我想過怎樣的生活呢？

從17歲第一次獨自出發到外國留學，到大學畢業出發到非州旅行，之後經歷過兩份工作，完成一個master，剛好30歲 準備成家立室，卻不安份守己，即使得到了社會上大部人夢寐以求的職業，但每日工作毫無意義，亦身處在有毒的環境，不得不決意辭工。可惜因現實上的考量，無法下定決心，只好多等數月，時機成熟時才有所行動。 與其度日如年，決心把握時間，為離職作好準備。踏入30歲，人生首次成功減肥，愛上運動，更愛上閱讀，這兩樣過去提不起勁去做的事，現在不做便覺得不自在。 至於事業，之前亂報一些工作，全部石沉大海，不禁對自己失去信心。 但我相信，根據我讀書和工作的往績，我至少能肯定我有一定實力，起碼不會找不到工作吧。 最近為事業計劃，反思人生，想想自己擅長的方面。今天突然想到，從小我對寫作有一點點小聰明，因過去幾年心情不好又沒有時間，所以放下了，特別是中文寫作。但心目中沒有什麼題材想寫，最簡單還是寫自身。 今天我想再次重拾這個興趣，除了激勵自己外，亦想對即將重新搵工的歷程作個紀錄。重新出發並不客易，但為了自己及身邊的人，要勇敢踏出這一步。

今晚第一次踏足香港殯儀館，送別女友阿嫂的爸爸最後一程。 同佢爸爸有過幾面之餘，捌除佢同女友屋企人既恩恩怨怨，其實我一直覺得佢幾nice,又傾到計。 最恐怖明明過年前之一齊食過團年飯，三月頭既一個星期六晚上就突然過身，毫無先兆，只係65歲人，可見其實一個人可以好脆弱。 當時知道佢去世既時候，除左鄂然，亦諗到雙親都年事已高，幸好2月去旅行後已經打算結婚。另外，又諗起自己既工作，想到人生苦短，我係咪仲要浪費時間係呢度呢？ 但結婚花費太大，呢一刻未容許我衝動。 衡量過後，決定9月辭職，結婚前正式離職，但到時有沒有勇氣實行是另一回事。 婚禮開支大，本來有機會趁呢幾個月頂多個位既工作，賺多份糧，但係呢個雜亂無章既地方，不用幻想，今日正式通知唔洗諗，唔知係我唔好彩，定係佢地對我冇信心。如果係後者，我會忍唔住笑，話說轉黎之前，我就算唔係fit馬，都係一個肯做野又做得野既人，只係黎到呢度比你地搞到我變做一個廢人。 Anyway,正面咁諗呢件事比我認清楚對呢度唔洗有希望，同埋收多左錢，到時又貪心想升職，更加唔想走。財不入急門，唔係你財唔入你袋，至理名言。 扯得太遠，今日去呢個喪禮，我全程差唔多坐門外摺金，除左叫做一份心意，對先人做返少少野之外，亦等我有D貢獻，因為平時我做既野都係全無意義。 坐出面，可以諗下野，我忽然間諗，到時我死左會唔會有人黎我既喪禮呢？ 呢樣唔重要，因為我只想低調。 更重要既問題係，如果我瞓係裡面，回想係呢一生入面，我最後悔既會係咩？ 我首先諗到既係，我會後悔點解自己浪費左一年幾既時間係呢份19工，都冇勇氣離開呢？ 第二樣先諗到，我會後悔我冇嘗試去save呢頭家。 我認我係自私的，只諗自己，但其實反映左我有幾憎呢度，亦有幾嬲我自己既淆底。 我成日想等一個合適既時候，但其實呢個時候will never come. 希望我到9月真係能夠做到呢個決定，but i need to get reasonably prepared for that. P.S. 去到尾聲，阿嫂既屋企人唔知為左咩鬧交鬧到好大聲，鬧左一陣，阿嫂同佢阿媽要出黎勸交。其實聽唔到發生咩事，不過我真係覺得十分老套，人都死左，攤左係入面等大家送佢最後一程，其實呢一刻仲有咩重要得過呢樣野？無論為左咩都唔應該嘈，仲要個已經好傷心又披麻戴孝既人出黎安慰返你？ 幾十歲人真係無理更無...

2018,終於踏入3字頭,老了. 今日約左舊同事黎燒野食,估唔到仲有蛋糕cut. 今年有兩大achievement,第一就係經過30年,肥撚左30年,我終於減肥成功,只係用左3個幾月就減左20磅.第二就係讀左5年既master終於讀完. 減肥一開始係因為驗身發覺各項指數都開始差,BMI肥佬,report comment話我過重要減肥,記得以前都冇咁寫,而個人年紀開始老,都真係驚驚地,的起心肝見營養師,加上當時無比既意志,原來減得都好容易. 同埋都證實左一樣我一直都好想知既野,當我瘦左之後,異性緣係冇任何改變既,所以可以唔好諗咁多野. 讀書方面,summer冇lala比人cancel左班,本身諗住讀埋就summer開始一心寫paper.結果如意算盤打唔響,好彩summer都叫有做準備,但結果差唔多整個下半年每逢weekend唔係溫書就係寫paper,完全身心疲累,到11月要交1份course paper,degree paper,同溫final,直到12月11日考,果段時間真係好難捱好痛苦. 記得臨final前一晚,我溫完書,瞓落床,然後諗起,終於都要完了,原來呢種生活足足過左5年,都唔知點解自己會可頂到,但不得不為自己能夠完成一樣野果種堅忍自豪,而家就等埋出成績,希望唔好肥佬咁樣衰. 讀完之後,抖到呢個星期先叫做個人正常返D. 工作方面,都係果句,悶,唔知做乜. 睇返原來1月處理過收數佬事件,搞到好煩,之後都係比每星期餐飯搞到好唔開心,十月真係忍唔住遞信,因為佢地對搞食飯要求愈黎愈多,亦唔合理,唔想再係咁落去,裸辭都冇辦法,最後比大老闆勸退,而家一個月搞一次,叫做好左,解決左部份問題,核芯既問題係份工唔單止學唔到野,仲因為呢度既人亂做而搞到自己退步,所以走既心依然堅定,但自己實在未有勇氣去裸辭,所以唯有邊做邊搵,希望今年可以走到. office既野都冇乜特別,有時叫做忙既野,其實只要我專心整日去做,就會搞掂晒. 係9月山竹呢個颱風,要我落飛機係機場趕返office,仲當左超過24小時風間,真係攰到痴線 上年旅行去少左,只有兩次,3月既福崗,同9月既濟州,下半年陪女友既時間都少左,黎緊讀完書得閒,希望可以多D同佢去唔同地方,儲下回憶 Kpop 上年睇到超晒標,搞到19年只可以睇一場,5月開始睇Oh my girl, Red Velvet,6...