拖左好耐,結果搞到農曆年尾先得閒回顧,差D想唔做,但既然每年一次,都想keep住呢個傳統 2019年可算係我30年人生入面活得最productive 既一年,最大既推動係因為進入30歲但仲係一事無成,自知要作出改變,唔係可再咁樣生活落去 18年年底終於完成5年既part-time讀書生活,1月主要都係休息,恢復返D元氣. 雖然呢5年睇左好多教學上既書,唔想再睇野,但過左一陣又諗起自己想睇又冇時間睇既書,結果由1月開始就不斷係圖書館借書,加上為左令自己成長同for 搵工,我一開始睇好多D personal development既書,完全大開眼界,越睇得多越想睇下D唔同種類既書.我諗呢一年都睇左幾十本,養成搭車瞓覺之前都會睇陣書,連韓劇都放棄埋,而呢個習慣到而家仲keep到 運動同健康方面,18年8月開始既減肥計劃,去到18年年尾基本上已經成功,冇再節食,但運動就繼續,除左踩健身單車,因為悶都開始落街跑步,亦因為返工越黎越得閒,為左搵D寄託,就放左更多心機去做運動同跑步. 年中決定挑戰自己,報左渣打10K,亦幸運地抽中,為自己設定左個訓練計劃,另外為左可以感受下比賽氣氛,我10月係屋企樓下參加左第一次10K比賽,跑左1個鐘4分鐘,算有所交待,12月跑左轉8K,用左46分鐘完成.跑步的確比到我自信心,毅力同忍耐,原來我都可以做到,以往幾年得閒去跑步,最盡30分鐘就要停,而家跑1小時/10K都係輕而易舉,除左因為減左肥之外,我諗心態同我既付出都有幫助. 讀完書後想發展其他既興趣,結果上左3個月學煮法國菜,瑞士大廚教,獲益良多,只不過好費(7千幾蚊)同好攰(星期一晚上堂). 之後同當年既女友/而家既老婆學整麵包,撞岩社會事件,有幾堂上完都急住走. 但都學到唔少野. 個人方面,2月同老婆有共識結婚,3月開始忙於準備,5月去台灣影婚紗相,一路忙到12月完成.好幸運地婚禮冇受社會事件影響 結完婚之後,大家都係處於分居狀態,雖然租金好貴,但為左大家既關係同為左成長,仍然決定搬出黎,係19年最後一日搬到新居. 19年最唔開心既,肯定係工作方面. 18年年尾曾經見過工,不過最後冇回音,當年亦遞過辭職信,但最終收返. 19年年頭已經後悔,決定的起心肝搵工,但都完全冇回音,信心都冇埋. 因為太難受,所以決定無論點樣8月尾就會遞信,即使係裸辭. 但因為社會事件,不得不...
估唔到最緊局勢變得咁快，權衡過後，無奈要將裸辭大計推遲 最近返工又係好得閒，雖然我已經盡量搵野比自己做，但真係好唔開心 呢排天氣好好，好想行山，亦睇過唔少人話行山可以比自己靜靜地諗野，或者可以諗通一D野 的起心肝，幾日前plan好左去行屯門徑 父母知道我要自己去，都話危險，阿媽仲話要陪我去。好彩我有機會出去讀書，學會照顧自己，假如我一直係香港生活，恐怕會變成一個廢青。 反而女友只係哦左兩句，解釋過後都同意我自己去。 冇錯我係個好細膽既人，好多時想做一樣野會擔心呢樣果樣最後唔去做。今次叫做比自己一個小小既考驗。 做任何事情都總會有風險，但最適當既處理方法係好好準備，將風險減低。 首先，今次揀呢條路線，之前行過一部份，難度亦係家樂徑level，完成時間約2小時. 另外我專登上網Research定條路線，記低checkpoint. 三來，我亦唔會走去D危險位置影相，只會行主路。 今日一切都好順理，琴晚夜返夜瞓，今朝未夠鐘已紮醒。我最擔心既肚痛都冇發生，因為朝早去到廁所。天氣簡直完美。 我亦都好開心自己體能進步左好多，上次行頭段樓梯，一開始已經扯哮，今次一路大步上去都只係少少喘氣，仲有貨賣，可見呢一年黎勤做運動既成果。 成程只係用左2小時就完成，仲要中間試過行錯。我都知自己行得太快，而且去到後期冇乜位置可以坐底，未能好好咁諗下野，下次要留意了。 千祈唔好自己一個行山，會上癮的。當然，路程長，複雜同崎嶇既話，都唔應該自己一個行。